Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ha Yini Muako Wa N’wina Wa Vugandzeri Mi Nga Wu Vitani Kereke?

Ha Yini Muako Wa N’wina Wa Vugandzeri Mi Nga Wu Vitani Kereke?

EBibeleni, rito ra Xigriki leri minkarhi yin’wana ri hundzuluxeriwaka ri va “kereke,” ri kombetela eka ntlawa wa vagandzeri, ku nga ri muako lowu va hlanganaka eka wona.

Xiya xikombiso lexi: Loko muapostola Pawulo a tsalela Vakreste va le Roma, u rhumele marungula eka mpatswa wun’wana, ku nga Akhwila na Prisila, a ku: “Ndzi runguleleni na yona kereke leyi hlanganaka endlwini ya vona.” (Varhoma 16:5, Bibele—Muhungu Lamanene) Pawulo a a nga vuli swona leswaku va rungula muako. Kambe a a vula leswaku va n’wi rungulela vanhu, ku nga vandlha leri a ri hlangana endlwini yoleyo. *

Ematshan’weni yo va hi vitana muako wa hina wa vugandzeri hi ku i kereke, hi yi vitana “Holo ya Mfumo.”

Ha Yini Yi Vitaniwa “Holo Ya Mfumo Ya Timbhoni Ta Yehovha”?

Yi vitaniwa tano hikwalaho ka swivangelo swo hlayanyana:

  • Holo i muako kumbe ndhawu leyi ku hlanganiwaka eka yona.

  • Hi hlangana hi gandzela Yehovha, Xikwembu lexi hi nyikeke Bibele ni ku nyikela vumbhoni malunghana na yena.Pisalema 83:18; Esaya 43:12.

  • Hi tlhela hi hlangana leswaku hi ta dyondza hi Mfumo wa Xikwembu, lowu hakanyingi Yesu a a vulavula ha wona.—Matewu 6:9, 10; 24:14; Luka 4:43.

U amukelekile ku endzela Holo ya Mfumo leyi nga ekusuhi ni laha u tshamaka kona leswaku u ta tivonela hi ya wena, ndlela leyi Timboni ta Yehovha tikhomaka minhlangano ya tona ha yona.

^ ndzim. 3 Marito lama fanaka ma kumeka ni le ka 1 Vakorinto 16:19; Vakolosa 4:15; na Filemoni 2.

 

DYONDZA SWO TALA

Ku Endliwa Yini eHolweni Ya Mfumo?

Nghena endzeni u vona leswi endliwaka.