Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

I Mani Musunguri Wa N’wina?

I Mani Musunguri Wa N’wina?

Nhlengeletano ya Timbhoni ta Yehovha yi sungule eku heleni ka malembe ya va-1800. Hi nkarhi wolowo, ntlawa lowutsongo wa swichudeni swa Bibele lowu a wu tshama ekusuhi na Pittsburgh ePennsylvania le United States, wu sungule ku kambisisa Bibele hi vukheta. A wu kambisisa leswi a swi dyondzisiwa etikerekeni ku vona loko swi fana ni leswi Bibele yi swi dyondzisaka hakunene. Kutani wu sungule ku kandziyisa leswi wu swi dyondzeke eka tibuku, maphepha-hungu ni le ka magazini lowu sweswi wu vuriwaka Xihondzo Xo Rindza—Xi Huwelela Mfumo Wa Yehovha.

Eka ntlawa wolowo a ku ri ni wanuna loyi a a vuriwa Charles Taze Russell. Hi nkarhi wolowo a a rhangela eka ntirho wo dyondzisa Bibele naswona u ve muhleri wo sungula wa Xihondzo Xo Rindza kambe a ku nga ri yena musunguri wa vukhongeri lebyintshwa. Xikongomelo xa Russell ni Swichudeni swin’wana swa Bibele, a ku ri ku dyondzisa tidyondzo ta Yesu Kreste ni ku endla leswi a swi endliwa hi vandlha ra Vakreste vo sungula. Leswi Yesu ku nga Musunguri wa Vukreste, hi n’wi teka a ri yena musunguri wa nhlengeletano ya hina.—Vakolosa 1:18-20.

DYONDZA SWO TALA

XIHONDZO XO RINDZA (NKANDZIYISO WA VANDLHA)

“A Hi Ringaniseni Tsalwa Hi Tsalwa”

Loko hi ri karhi hi hlaya ndzimana ya Bibele, mongo wa yona wu nga hi pfuna njhani ku twisisa nhlamuselo?