Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

I Yini Dyondzo Ya Bibele?

I Yini Dyondzo Ya Bibele?

Timbhoni ta Yehovha ti ni nongonoko wa dyondzo ya Bibele leyi hlamulaka swivutiso swo tala swo katsa leswi:

  • Xikwembu i mani?

  • Xana Xikwembu xa khathala hakunene ha mina?

  • Ndzi nga byi antswisa njhani vukati bya mina?

  • Ndzi nga wu kuma njhani ntsako evuton’wini?

Laha hansi u ta kuma tinhlamulo ta swivutiso leswi vanhu va tshamelaka ku swi vutisa malunghana ni nongonoko wa hina wa dyondzo ya Bibele.

Yi fambisiwa njhani dyondzo ya Bibele? Hi hlawula nhloko-mhaka yo tanihi leyi nge “Xikwembu” kumbe “vukati” kutani hi kambisisa matsalwa yo hambana-hambana ya Bibele lama vulavulaka hi mhaka yoleyo. Kutani loko hi ma fananisa, hi xiya leswi Bibele hinkwayo yi swi vulaka malunghana ni mhaka yoleyo, xisweswo hi tshika Bibele yi tihlamusela.

Leswaku hi pfuna vanhu va dyondza Bibele, hi tirhisa buku leyi nge Xana Bibele Yi Dyondzisa Yini Hakunene? Buku leyi yi swi hlamusela hi vuenti leswi Bibele yi swi vulaka hi Xikwembu, hi Yesu ni hi vumundzuku bya hina swin’we ni tinhloko-mhaka tin’wana.

Dyondzo ya Bibele yi koxa mali muni? Dyondzo ya Bibele ni minkandziyiso ya kona i mahala.

Dyondzo ha yin’we yi teka nkarhi wo tanihi kwihi? Vanhu vo tala va tinyika awara kumbe ku tlula leswaku vhiki rin’wana ni rin’wana va dyondza Bibele na hina. Kambe swi ya hi wena leswaku u lava leswaku dyondzo ya wena yi teka nkarhi wo tanihi kwihi. Hina hi ta pfumelelana ni xiyimo xa wena.

Ku endleka yini loko ndzi kombela ku fambiseriwa dyondzo ya Bibele? Loko u kombela ku fambiseriwa dyondzo ya Bibele, un’wana wa Timbhoni ta Yehovha u ta ku endzela laha u lavaka leswaku a ku endzela kona ni hi nkarhi lowu u wu lavaka. U teka timinete ti nga ri tingani leswaku a ku komba ndlela leyi dyondzo yi fambisiwaka ha yona. Loko u swi tsakela, mi ta sungula ku dyondza.

Loko ndzi pfumela ku dyondza Bibele, xana ndzi fanele ku va Mbhoni ya Yehovha? E-e. Hina Timbhoni ta Yehovha ha swi rhandza ku dyondzisa vanhu Bibele, kambe a hi sindzisi munhu ku va xirho xa vukhongeri bya hina. Ematshan’weni ya sweswo, hi xichavo hi komba munhu leswi Bibele yi swi vulaka hikuva ha swi tiva leswaku munhu un’wana ni un’wana u ni mfanelo yo tihlawulela leswi a lavaka ku pfumela eka swona.—1 Petro 3:15.

 

DYONDZA SWO TALA

Ha Yini U Fanele U Dyondza Bibele?

Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?

Leswi Endlekaka Eka Dyondzo Ya Bibele

Emisaveni hinkwayo, Timbhoni ta Yehovha ti tiviwa hi ku fambisela vanhu dyondzo ya Bibele ya mahala. Hlalela ndlela leyi yi fambisiwaka ha yona.

Kombela Dyondzo Ya Bibele

Dyondza Bibele hi nkarhi ni le ndhawini leyi u yi tsakelaka.