Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

I Yini Huvo Leyi Fumaka Ya Timbhoni Ta Yehovha?

I Yini Huvo Leyi Fumaka Ya Timbhoni Ta Yehovha?

I ntlawa lowutsongo wa Vakreste lava kongomisaka Timbhoni ta Yehovha emisaveni hinkwayo. Ntirho wa vona wu katsa swiyenge swimbirhi:

Huvo leyi Fumaka yi landzelela xikombiso xa ‘vaapostola ni vakulukumba va le Yerusalema’ va lembe xidzana ro sungula, lava endleke swiboho swa nkoka evandlheni hinkwaro ra Vukreste. (Mintirho 15:2) Ku fana ni vavanuna volavo vo tshembeka, swirho swa Huvo leyi Fumaka a hi varhangeri va nhlengeletano ya hina. Swi kongomisiwa hi Bibele, swi ri karhi swi tiva leswaku Yehovha Xikwembu u hlawule Yesu Kreste leswaku a va Nhloko ya vandlha.—1 Vakorinto 11:3; Vaefesa 5:23.

Mavito ya swirho swa Huvo leyi Fumaka

Ku sukela hi January 2015, swirho swa kona i Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson na David Splane. Swi tirhela entsindza wa hina wa misava hinkwayo eBrooklyn, New York, le U.S.A.

Ndlela leyi Huvo leyi Fumaka yi tirhaka ha yona

Huvo leyi Fumaka yi simeke tikomiti ta tsevu ku langutela mintirho ya hina yo hambanahambana naswona xirho ha xin’we xi tirha eka komiti yin’we kumbe ku tlula.

  • Komiti ya Vahlanganisi: Yi langutela timhaka ta nawu ni ku teka goza loko ku ri na timhangu ni loko ku ri ni swiyimo swo karhi laha swirho swa hina swi xanisiwaka hikwalaho ka ripfumelo ra swona ni le ka timhaka tin’wana ta xihatla leti khumbaka Timbhoni ta Yehovha.

  • Komiti yo Khathalela Vatirhi: Yi langutela malunghiselelo ya swirho swa ndyangu wa Bethele.

  • Komiti ya Vukandziyisi: Yi langutela ku kandziyisiwa ni ku rhumeriwa ka tibuku leti sekeriweke eBibeleni, ku akiwa ka tiholo leti ku khomeriwaka minhlangano eka tona, tihofisi ta vuhundzuluxeri ni marhavi.

  • Komiti ya Ntirho: Yi langutela ntirho wa hina wo chumayela ‘mahungu lamanene ya Mfumo.’—Matewu 24:14.

  • Komiti yo Dyondzisa: Yi kongomisa tidyondzo leti sekeriweke eBibeleni leti faneleke ti dyondziwa eminhlanganweni, eswikolweni, minongonoko leyi ngo yingiseriwa kunene ni ya tivhidiyo.

  • Komiti ya Vatsari: Yi langutela malunghiselelo ya tidyondzo ta Bibele leti printiweke, leti nga eka website ya hina ni ntirho wa ku hundzuluxela.

Swirho swa Huvo leyi Fumaka swa hlangana vhiki ni vhiki leswaku swi bula hi swilaveko swa nhlengeletano. Loko swi hlanganile, swi tirhisa leswi Matsalwa ma swi vulaka kutani swi pfumelela moya lowo kwetsima wu swi kongomisa leswaku swi endla swiboho leswinene.—Mintirho 15:25.

I vamani vapfuneti va Huvo leyi Fumaka?

I vavanuna vo tshembeka lava nga Vakreste. (1 Vakorinto 4:2) Va ni vutshila ni ntokoto entirhweni lowu va wu endlaka lowu languteriwaka hi komiti leyi naswona vhiki na vhiki va va na nhlangano wa komiti. Hambileswi va nga katsekiki eku endleni ka swiboho kambe va nyikela swiringanyeto leswi pfunaka ni rungula leri fambisanaka na swona, va tiyiseka leswaku swiboho swa tikomiti swa tirhisiwa naswona nkarhi ni nkarhi va kambisisa vuyelo bya swona. Minkarhi yin’wana Huvo leyi Fumaka yi va avela ku endzela vamakwerhu va hina ematikweni yo hambanahambana kumbe ku ya vulavula hi tinhlokomhaka leti sekeriweke eBibeleni eka swiendlakalo swo tanihi minhlangano ya lembe ni lembe kumbe ku thwasa ka ntlawa wa Xikolo xa Giliyadi.

NXAXAMELO WA VAPFUNETI

Komiti

Vito

Ya Vahlanganisi

  • Ekrann, John

  • Wallen, Robert

 

Yo Khathalela Vatirhi

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Ya Vukandziyisi

  • Adams, Don

  • Butler, Robert

  • Corkern, Harold

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Ya Ntirho

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Wallen, Robert

  • Weaver, Leon, Jr.

 

Yo Dyondzisa

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Ya Vatsari

  • Ciranko, Robert

  • Mantz, James

  • Marais, Izak

  • Smalley, Gene

  • Wischuk, John

 

DYONDZA SWO TALA

Ha Yini Xikwembu Xi Ri Ni Nhlengeletano?

Bibele yi hi byela leswaku Vakreste va ntiyiso va hleriwe njhani.

Huvo Leyi Fumaka Yi Tirha Njhani Namuntlha?

Hi lembe-xidzana ro sungula, ntlawa lowutsongo wa vaapostola ni vakulukumba wu tirhe tanihi huvo leyi fumaka ya vandlha ra Vukreste. Ku vuriwa yini namuntlha?

Xana Timbhoni Ta Yehovha Ti Ni Vafundhisi Lava Ti Va Holelaka?

Xana Timbhoni ta Yehovha ti ni vafundhisi? I vamani lava nga vatirheli?