Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Timbhoni Ta Yehovha Ti Amukeriwa eAtlanta

Timbhoni Ta Yehovha Ti Amukeriwa eAtlanta

“Ndza tsaka ku vona ndlela leyi vanhu va nhlengeletano ya n’wina va hisekekaka ha yona leswaku va vangamisa Mfumo wa Xikwembu. Matshalatshala yo pfuna vamakwerhu va n’wina ni vanhu lava tshamaka endhawini ya ka n’wina ya tlangeriwa swinene.”

Leri a ku ri papila leri humaka eka Kasim Reed, meyara wa doroba ra Atlanta, eGeorgia, le U.S.A. Papila rero a ri tsaleriwe ku amukela Timbhoni ta Yehovha leti a ti ta khoma tinhlengeletano tinharhu letikulu kwalaho.

Hilaha ku fanaka, Huvo ya Doroba ra Atlanta yi tivise ku amukeriwa ka vapfhumba lava a va ta va kona eka tinhlengeletano teto. Yi te: “Ku ni Timbhoni ta Yehovha ta kwalomu ka timiliyoni ta nhungu emisaveni hinkwayo leti katsaka . . . vanhu va madzana lava humaka eka tinxaka hinkwato, lava vulavulaka tindzimi to hambanahambana kambe . . . mi hlangane hi xikongomelo xin’we . . . [Mi] lava ku dzunisa Yehovha, Xikwembu lexi tsaleke Bibele tlhelo Muvumbi wa swilo hinkwaswo.”

Hi July na August 2014, tinhlengeletano tinharhu ti khomeriwe kwalaho, timbirhi ta tona a ti khomiwe hi Xinghezi naswona yin’we hi Xipaniya. Vapfhumba a va huma ematikweni ya kwalomu ka 28 naswona minongonoko leyi a yi khomiwe hi Xinghezi a yi tolokiwa hi Xirhaxiya ni Xijapani leswaku vapfhumba lava vulavulaka tindzimi teto va kota ku vuyeriwa. Vanhu hinkwavo lava veke kona eka tinhlengeletano teto a ku ri 95 689.

Hi 2014, Timbhoni ta Yehovha ti khome tinhlengeletano letikulu ta matiko yo hambanahambana ta 24 ematikweni ya kaye, ku katsa ta 16 leti khomeriweke etindhawini to hambanahambana eUnited States.

DYONDZA SWO TALA

MAHUNGU LAMANENE LAMA HUMAKA EKA XIKWEMBU!

Mfumo Wa Xikwembu I Yini?

I mani Hosi ya Mfumo wa Xikwembu naswona Mfumo wu ta hetisisa yini?