Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Nongonoko Lowu Haxiweke eMisaveni Hinkwayo Hi Ku Tirhisa Internet

Nongonoko Lowu Haxiweke eMisaveni Hinkwayo Hi Ku Tirhisa Internet

Hi Mugqivela, October 5, 2013, vanhu lava endlaka 257 294 ematikweni ya 21 va ve kona eka nhlangano wa lembe ni lembe wa vu-129 wa Watch Tower Bible and Tract Society of Pennsylvania hi xiviri kumbe hi ku wu hlalela hi ku tirhisa Internet. Endzhaku ka nkarhi hi mahelo-vhiki wolawo, Timbhoni leti engetelekeke ti hlalele nongonoko wolowo lowu rhekhodiweke. Hinkwavo lava yingiseleke nongonoko lowu a ku ri vanhu va 1 413 676 ematikweni ya 31. Nhlangano wa lembe leri wa Timbhoni ta Yehovha wu ve lowukulu ku tlula hinkwayo leyi tshameke yi va kona naswona wu hundze ni nhlangano wo hlawuleka lowu a wu khomiwe eMexico ni le Amerika Xikarhi hi April 28, 2013, lowu hlaleriweke hi vanhu va 1 327 704.

Ku sukela hi va-1920, Timbhoni ta Yehovha a ti haxa mintsombano ya tona eka vayingiseri lava nga ematikweni man’wana ti tirhisa riqingho ni switichi swo tala swa xiya-ni-moya. Sweswi, thekinoloji ya Internet yi endla leswaku vayingiseri lava nga etindhawini leti nga ekule swinene va kota ku twa ni ku hlalela swiendlakalo hi nkarhi lowu swi endlekaka ha wona kumbe endzhakunyana ka loko swi endlekile. William, Mbhoni yin’wana ya Yehovha ya le United States, u ye entsombanweni eRichmond, le Virginia, hi 1942 naswona u yingisele nongonoko wa kona lowu a wu haxiwa hi ku tirhisa riqingho. Loko a pimanisa ntsombano wolowo ni nhlangano wa lembe ni lembe wa nan’waka, u te: “U vuyeriwa swinene eka nongonoko loko u langutile.”

Swirho swa marhavi yo hlayanyana ya Timbhoni ta Yehovha swi teke lembe ni ku tlula swi ri karhi swi lunghiselela ku haxa nhlangano lowu eka Internet naswona swi hete tiawara ta magidi entirhweni wolowo. Hi mahelo-vhiki lawa nongonoko lowu wu haxiweke ha wona, vativi va swa vuhaxi va langutise nongonoko va ri endhawini yo haxela eka yona eBrooklyn, le New York, naswona va tirhe vusiku ni nhlikanhi tanihi leswi nongonoko lowu wu haxiweke etindhawinni ta 15 leti minkarhi ya tona yi nga faniki. Ryan, loyi a pfuneteke eku hlanganiseni ka michini ni ku langutisa nongonoko, u te: “A hi etlelanga kambe swi hi tsakisile ku tiva leswaku vanhu vo tala va vuyeriwile eka nongonoko lowu.”

Va hlelele nongonoko eKatherine, Northern Territory, Australia