Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Timbhoni Ta Yehovha Ti Bumabumeriwa Hikwalaho Ko Pfuna Vakhotsiwa

Timbhoni Ta Yehovha Ti Bumabumeriwa Hikwalaho Ko Pfuna Vakhotsiwa

Timbhoni ta Yehovha ta kaye ti nyikiwe switifiketi swo ti khensa eka “ntirho lowunene” lowu ti wu endleleke vakhotsiwa eka rin’wana ra makhotso lamakulu ya vahlapfa le Australia. Timbhoni ti nyikiwe switifiketi hi Khotso ra Vahlapfa ra Curtin leri nga ekusuhi ni le Derby, le Vupeladyambu bya Australia. *

Vhiki rin’wana ni rin’wana, Timbhoni ti endzela vahlapfa leswaku ti ya yingisela mintokoto ya vona naswona ti va byela hi rungula ra Bibele leri chavelelaka ni leri nga ni ntshembo. Christopher Riddoch, loyi a langutelaka swa vukhongeri ni mindhavuko ekhotsweni rero, u te: “Vuyelo lebyi vaka kona hi ku va ti endzela vakhotsiwa, byi vonaka hi ku hatlisa.” U vule leswaku vakhotsiwa va tsaka swinene endzhaku ko va va endzeriwile naswona “va swi xiya leswaku ku ni vanhu lava khathalaka hi vona.”

Nakambe Nkulukumba Riddoch u vule leswaku xitifiketi lexi nga nyikiwa Timbhoni i nyiko leyitsongo yo ti khensa hileswi ti “antswisaka vutomi bya vavanuna lava hi va khathalelaka.” U tlhele a vula leswaku Timbhoni leti ti fanele ti bumabumeriwa hi mindyangu ya tona, vapfumerikulobye ni hikwalaho ka ripfumelo ra tona.”

^ ndzim. 2 Khotso leri ri nga teka vavanuna va kwalomu ka 1 500.

DYONDZA SWO TALA

I VAMANI LAVA ENDLAKA KU RHANDZA KA YEHOVHA NAMUNTLHA?

Timbhoni Ta Yehovha I Vanhu Va Njhani?

I tingani Timbhoni ta Yehovha leti u ti tivaka? I yini leswi hakunene u swi tivaka hi hina?

SWIVUTISO LESWI HLAMURIWAKA HI BIBELE

Xana Vukhongeri, Xikwembu Kumbe Bibele Swi Nga Ku Pfuna Leswaku U Tsakela Vutomi?

Dyondza ndlela leyi ku va ni vuxaka ni Xikwembu swi nga antswisaka ha yona vutomi bya wena bya sweswi ni bya nkarhi lowu taka.