Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

“Mi Swikombiso Leswinene Hakunene!”

“Mi Swikombiso Leswinene Hakunene!”

TIMBHONI TA YEHOVHA eSaponara, ku nga doroba rin’wana ra le Sicily, ti kume nyiko yo nkhensa hikwalaho ko endla ntirho wo phalala endzhaku ka loko ndhambi yi hlasele ndhawu yoleyo.

Hi November 22, 2011, ndhambi leyikulu yi hlasele madoroba ni miganga yin’wana exifundzheni xa Messina. Evusikwini byebyo eSaponara, ku khuluka ka misava ku dlaye vanhu vanharhu—n’wana un’we ni vanhu lavakulu vambirhi.

Endzhaku ka masiku ma nga ri mangani endzhaku ka mhangu leyi, Timbhoni ta Yehovha ti hleve mintlawa ya vatirhi va ku tirhandzela ni ku yi nyika switirhisiwa leswaku va susa ndzhope ni thyaka etindhawini leti hlaseriweke ngopfu.

Mintlawa yoleyo yi tirhe swin’we ni valawuri naswona yi pfune laha mpfuno a wu laveka kona swinene. Yi hambete yi tirha hambiloko xiyimo xo sungula xa xihatla xi herile. Timbhoni leti sukelaka eka 50 ku ya eka 80 ti hoxe xandla, ku katsa ni tin’wana leti humaka endhawini leyi nga ekule hi 97 wa tikhilomitara.

Vaaki vo hlayanyana va ndhawu leyi hlaseriweke hi mhangu va nkhense Timbhoni. Meyara u twiwe a phindha-phindha marito lama nge, “Mi swikombiso leswinene hakunene!

Endzhaku ka tin’hweti ta ntlhanu, Khanselara Fabio Vinci, u nyike vandlha ra kwalaho ra Timbhoni ta Yehovha nyiko yo nkhensa tanihi muyimeri wa masipala.