Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Loko Ku Ri Ni Mhangu, Rirhandzu Ri Hi Susumetela Ku Teka Goza

Loko Ku Ri Ni Mhangu, Rirhandzu Ri Hi Susumetela Ku Teka Goza

Hi minkarhi ya xilaveko, Timbhoni ta Yehovha ti pfuna Timbhoni-kulobye swin’we ni vanhu van’wana. Ti endla tano hikwalaho ka rirhandzu leri ku nga mfungho wa Vakreste va ntiyiso.Yohane 13:35.

Nhlayo leyi landzelaka yi kombisa nxaxamelo wa mphalalo lowu endliweke eka tin’hweti ta 12, ku sukela eku heleni ka 2012. Nhlayo leyi a yi katsi swilo swa moya ni nchavelelo lowu fambisanaka ni matshalatshala ya hina. Tikomiti ta Xilamulela-mhangu leti hlawuriweke hi marhavi ya hina, ti hlela leswaku ti pfuneta. Ku engetela kwalaho, mavandlha ya le kusuhi ma hoxa xandla leswaku ma pfuneta.

Japani

Japani: Hi March 11, 2011 ku tsekatseka ka misava ni tsunami swi hlasele madzana ya vanhu lava tshamaka en’walungu wa Japani. Timbhoni ta Yehovha emisaveni ti nyikele hi mali, vuswikoti bya tona ni switirhisiwa swin’wana swo pfuneta. Hlalela vhidiyo ya hina malunghana ni mphalalo wa ku tsekatseka ka misava eJapani.

Brazil: Tindhambi, ku hirimuka ka maribye ni tindzhope swi dlaye vanhu va madzana. Hi ku hatlisa, Timbhoni ta Yehovha ti rhumelele swifundzha leswi weriweke hi mhangu 42 wa tithani ta swakudya leswi nga onhakiki hi ku hatlisa, 20 000 wa mabodlela ya mati, 10 wa tithani ta swiambalo, ntlhanu wa tithani ta switirhisiwa swo basisa, mirhi ni swilo swin’wana.

Congo (Brazzaville): Loko matlhari lama nga cukumetiwa ma buluka, makaya ya mune ya Timbhoni ta Yehovha ma tshwile kasi ya 28 ma onhakile. Lava weriweke hi mhangu va nyikiwe swakudya ni swiambalo va tlhela va amukeriwa emakaya ya Timbhoni ta kwalaho.

Congo (Kinshasa): Vanhu lava khomiweke hi kholera va nyikiwe mirhi. Lava weriweke hi mhangu ya ndhambi ya mpfula leyi a yi na hi matimba, va nyikiwe swiambalo. Mirhi, mbewu yo byala ni tithani ta swiambalo swi nyikiwile lava tshamaka etikampeni ta vahlapfa.

Venezuela: Mpfula ya matimba yi vange ndhambi ni ndzhope. Tikomiti Ta Xilamulela-mhangu ti pfune Timbhoni ta 288 leti weriweke hi mhangu. Ku akiwe tindlu leti tlulaka 50. Ku engetela kwalaho, tikomiti to phalala ti le ku pfuneteni ka vanhu lava makaya ya vona ma onhiweke hi mati ya Tiva ra Valencia.

Philippine

Philippine: Xidzedze xa thayifuni xi vange ndhambi eka xiphemu xin’wana xa tiko. Rhavi ri rhumele swakudya ni swiambalo eka lava weriweke hi mhangu naswona Timbhoni ta kwalaho ti pfunete eku basiseni endzhaku ka loko mati ma vohlile.

Canada: Endzhaku ka ndzilo lowukulu wa le nhoveni eAlberta, Vandlha ra le dorobeni ra Slave Lake ri kume minyikelo yo tala eka Timbhoni ta le xifundzheni leswaku ri ta kota ku yi tirhisela ku pfuna eku basiseni. Leswi vandlha ri nga tirhisangiki mali hinkwayo, ri rhumele ntsengo lowu tlulaka hafu eswiphen’wini swin’wana swa misava eka lava va weriweke hi mhangu.

Côte d’Ivoire: Nhundzu, vutshamo ni swa vutshunguri swi nyikiwe vanhu lava a va pfumala hi nkarhi wolowo ni le ndzhaku ka nyimpi leyi a yi ri kona.

Fiji: Hikwalaho ka timpfula leti a ti na hi matimba, mindyangu ya 192 ya Timbhoni leti humeleriweke hi mhangu ti lahlekeriwe hi mapurasi, swakudya ni miholo ya tona. Va phalariwile hi swakudya.

Ghana: Vanhu lava tshamaka evuxeni bya tiko lava weriweke hi mhangu ya ndhambi va phalariwe hi swakudya, mavele va tlhela va lunghiseriwa tiyindlu.

United States: Eswifundzheni swinharhu, xidzedze xi onhe tiyindlu ta 66 ta Timbhoni xi tlhela xi mbundzumuxa tin’wana ta 12. Hambileswi Timbhoni to tala a ti tsarise tiyindlu ta tona eka ndzindza-khombo, ku humesiwe mali leyi a yi ta pfuneta eka matshalatshala yo lunghisa.

Argentina: Mavandlha ya Timbhoni ta Yehovha ma pfunete lava tshamaka edzongeni wa tiko ku lunghisa makaya ya vona lama onhiweke hi nkuma wa vholkheno.

Mozambique: Vanhu lava tlulaka 1000, va phakeriwe swakudya hi nkarhi wa dyandza.

Nigeria: Timbhoni ta 24 leti vavisekeke swinene eka mhangu ya bazi ti pfuniwe hi tlhelo ra timali. Nakambe lava tshamaka en’walungu wa tiko va pfuniwile tanihi leswi va siyiweke va nga ri na makaya hikwalaho ka ku kwetlembetana ka tinxaka ta vukhongeri.

Benin: Vanhu lava weriweke hi ndhambi va phalariwe hi mirhi, swiambalo, tinete to sivela tinsuna, mati yo tenga ni ndhawu yo tshama.

Riphabliki ra Dominika

Riphabliki ra Dominika: Mavandlha ya kwalaho ma pfunete ku lunghisa tiyindlu ni ku phalala lava weriweke hi Xidzedze xa Irene.

Etiyopiya: Etindhawini timbhirhi leti hlaseriweke hi dyandza ni yin’we laha ku veke ni ndhambi, ku humesiwe minyikelo leyi nga ta pfuna vanhu lava khumbekeke.

Kenya: Ku nyikeriwe minyikelo eka vanhu lava hlaseriweke hi dyandza.

Malawi: Vanhu lava tshamaka ekampeni ya vahlapfa eDzaleka va pfuniwile.

Nepal: Ku hirimuka ka misava ku onhe kaya ra Mbhoni. Yi nyikiwe kaya ra nkarhinyana naswona vandlha ra kwalaho ri yi pfunile.

Papua New Guinea: Vanhu van’wana va hise makaya ya nhungu ya Timbhoni. Ku endliwe malunghiselelo leswaku va akeriwa tiyindlu tin’wana.

Romania: Timbhoni tin’wana ti lahlekeriwe hi makaya hikwalaho ka ndhambi. Va pfuniwile hi ku va va akeriwa tiyindlu tin’wana.

Mali: Tiko leri akelalaneke na rona ku nga Senegal, ri humese minyikelo yi nyikiwa vanhu lava a va pfumala swakudya hikwalaho ko pfumala ntshovelo loku vangiweke hi dyandza.

Sierra Leone: Madokodela lama humaka eFurwa lama nga Timbhoni ma pfunete hi ku tshungula Timbhoni ta Yehovha leti tshamaka etindhawini leti onhiweke hikwalaho ka nyimpi.

Thailand: Ndhambi yi onhe ngopfu eswifundzheni swo hambana-hambana. Mintlawa ya mphalalo yi lunghisile yi tlhela yi basisa makaya ya 100 swin’we ni Tiholo ta Mfumo ta tsevu.

Czech Republic: Endzhaku ka loko ndhambi yi onhetele makaya yo hlayanyana le Czech Republic, Timbhoni ta kwalaho eSlovakia ti pfunetile hi mphalalo.

Sri Lanka: Ntirho wo tala wo phalala eka tsunami leyi a yi ri kona wu hetewile.

Sudan: Swakudya, swiambalo, tintangu ni maseyila swi rhumeriwe Timbhoni ta Yehovha leti hlongoriweke endhawini leyi a ti tshama eka yona hikwalaho nyimpi leyi a yi ri kona etikweni.

Tanzania: Mindyangu ya 14 yi lahlekeriwe hi nhundzu ya yona hi nkarhi wa ndhambi leyikulu. Mavandlha ya kwalaho ma nyikele hi swiambalo ni swilo swa le ndlwini. Ku tlhele ku akiwa ni yindlu yin’we.

Zimbabwe: Dyandza ri vange ndlala endhawini yin’wana ya tiko. Vanhu lava weriweke hi khombo rero va nyikiwe swakudya ni mali.

Burundi: Mphalalo ku katsa ni vutshunguri swi nyikiwe vahlapfa.