Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Timbhoni Ti Chumayela Hi Ku Tirhisa Swigolonyana Swo Tlula 165 000

Timbhoni Ti Chumayela Hi Ku Tirhisa Swigolonyana Swo Tlula 165 000

Timbhoni ta Yehovha leti tivekaka hi ku chumayela hi yindlu ni yindlu, ta kumeka etindhawini ta mani na mani ti yime etlhelo ka swigolonyana swo saseka swo veka minkandziyiso.

Sweswinyana, ndlela leyi yo chumayela yi tirhisiwa ngopfu. Hi November 2011, ntlawa wa Timbhoni le New York wu sungule ku komba vanhu rungula ra le Bibeleni hi ku tirhisa minkandziyiso leyi vekiweke ematafuleni ni le ka swigolonyana. Ndlela leyi yo chumayela yi ve ni vuyelo lebyikulu lerova a swi tekanga ni nkarhi ku va yi tirhisiwa ni le madorobeni man’wana.

Ku sukela hi March 2015, swigolonyana swa 165 390 swi rhumeriwe emavandlheni ya Timbhoni ta Yehovha emisaveni hinkwayo. Magidi ya swigolonyana swo veka minkandziyiso, matafula ni swilo swin’wana swo veka minkandziyiso eka swona swi komberiwile.

Ndlela yo chumayela hi yindlu ni yindlu ka ha ri yona ndlela leyi tirhisiwaka ngopfu. Kambe ku tirhisiwa ka swigolonyana swi ve ni vuyelo lebyikulu. Vona swikombiso swin’wana.

Le Peru, wanuna la vuriwaka Raul u ye eka xin’wana xa swigolonyana laha a ku yime Timbhoni ivi a ti vutisa: “Xana a mi ri kwihi? Se swi endla malembe manharhu ndzi ri karhi ndzi lavana ni Timbhoni! Ndzi khense Xikwembu loko ndzi vona xigolonyana xa n’wina.”

Hambileswi laha a tshamaka kona Timbhoni ta Yehovha a ti ya nkarhi ni nkarhi, Raul a nga kumeki. U ti byele leswaku a a dyondza Bibele ni Timbhoni tin’wana naswona u lava ku tlhela a sungula ku dyondza. Ku endliwe malunghiselelo ya leswaku a sungula ku dyondza.

Vatekani lava ha riki vantshwa eBulgaria va fike va yima emahlweni ka xigolonyana kutani va teka buku leyi nge Xihundla Xa Ntsako eNdyangwini. Hi vhiki leri landzeleke, va vuyile kutani va teka tibuku tin’wana timbirhi: Buku Yanga Ya Timhaka Ta Bibele ni leyi nge Dyondza Eka Mudyondzisi Lonkulu. Mbhoni leyi a yi ri etlhelo ka xigolonyana yi va vutisile leswaku va ni vana vangani. Va hlamule va ku: “A hi na vona kambe loko hi ta va na vona hi ta va dyondzisa hi Xikwembu. Kahlekahle tibuku leti ti ta hi pfuna.”

Wanuna un’wana loyi a ambale swa masocha u fike eka Timbhoni leti ha riki vantshwa leti a ti yime na xigolonyana xa minkandziyiso le Ukraine. Kutani u te: “Ndzi byeleni leswaku Armagedoni yi ta fika rini.” Wanuna loyi u hlanganyela eka tinyimpi leti nga kona eUkraine. Swilo leswi humelelaka emisaveni swi endla a swi vona leswaku Armagedoni yi le kusuhi swinene, kambe u tivutisa leswaku ha yini Xikwembu xi hlwerile. Vantshwa lava va n’wi hlamule hi ku tirhisa Bibele leswaku ha yini Xikwembu xi nga ngheneleli eka timhaka ta vanhu nileswaku ku nga ri khale xi ta herisa vanhu hinkwavo vo homboloka. Wanuna loyi u amukele timagazini ta Xihondzo xo Rindza ni Xalamuka! swin’we ni buku leyi nge Is There a Creator Who Cares About You?

Le Macedonia, jaha rin’wana ri byele Timbhoni leti a ti ri kusuhi ni xigolonyana leswaku ri ti toloverile timagazini ta tona kambe sweswi ri kombela buku leyi nge Xana Bibele Yi Dyondzisa Yini Hakunene? Ri vule leswaku ri ta namba ri ya elayiburari ya mani na mani ri ya yi hlayela kona.

Endzhaku ka kwalomu ka tiawara timbirhi, jaha leri ri tlhelele eka timbhoni loko ri ta va ri hlaye matluka yo ringana 79. Ri te: “Buku leyi yi cinca vutomi! Ndzi xiye leswaku leswi a ndzi tshemba swona i mavunwa. Hinkwaswo leswi buku leyi yi swi dyondzisaka i ntiyiso. Hakunene yi cince matwisiselo ya mina hi vutomi!”

DYONDZA SWO TALA

Ha Yini U Fanele U Dyondza Bibele?

Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?

Leswi Endlekaka Eka Dyondzo Ya Bibele

Emisaveni hinkwayo, Timbhoni ta Yehovha ti tiviwa hi ku fambisela vanhu dyondzo ya Bibele ya mahala. Hlalela ndlela leyi yi fambisiwaka ha yona.

Xana Timbhoni Ta Yehovha I Vakreste?

Hi kombela u xiya ndlela leyi hi hambaneke ha yona ni mintlawa ya vukhongeri leyi vuriwaka Vakreste.