Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Varhandzi Va Ku Rhula Va Hlangana Eka Xiendlakalo Xa Armada

Varhandzi Va Ku Rhula Va Hlangana Eka Xiendlakalo Xa Armada

Ku sukela hi ti-6 ku fikela hi ti-16 ta June 2013, vaendzi va timiliyoni lava humaka emisaveni hinkwayo va khitikanela ehlalukweni ra Rouen, en’walungwini wa Furwa, eka xin’wana xa swiendlakalo leswikulu ni leswo saseka swinene emisaveni xa malunghana ni swikepe lexi vuriwaka Armada.

Endzhaku ko tluta tikhilomitara ta 120 enambyeni wa Seine lowu jika-jikaka hi xikepe xa Normandy, ku nga xin’wana xa swikepe swo saseka ni swo leha swinene emisaveni, xi lahlele nsoma wa xona ematini leswaku xi yima etlhelo ka hlaluko leri leheke tikhilomitara ta nkombo leri endleriweke xiendlakalo xexo. Emalembeni lama tlulaka khume, vaendzi va pfulekeriwe hi lunghelo ro hlawuleka ro khandziya ni ku valanga swin’wana swa swikepe swa 45 swa khale swinene ni swo leha leswi vaka kona exiendlakalweni lexi.

I yini leswi susumeteleke vanhu vo tala swonghasi lava nga ni malembe yo hambana-hambana ku ya eka xiendlakalo xa Armada? Hi ku ya hi musunguri tlhelo mulunghiseleri wa xona, xiendlakalo xa Armada xi va nyika lunghelo “ro swi vonela ekusuhi ‘Swikepe Leswikulu’ leswi hi endlaka hi ehleketa.” Entiyisweni, eka vanhu vo tala, lavakulu ni lavatsongo, swikepe leswikulu swi va endla va ehleketa hi maendzo yo leha ni ntshunxeko.

Vavalangi va magidi va tlhele va kuma lunghelo ro twa hi muxaka wun’wana wa ntshunxeko lowu tisiwaka hi ntiyiso lowu humaka eBibeleni. (Yohane 8:31, 32) Tanihi leswi vaendzi a va valanga doroba ra khale ra Rouen ni switarata swa rona swo khuma leswi nga ni mphensamphesa, va nambe va vona swigolonyana swo navetisa minkandziyiso leswi tirhisiwaka hi Timbhoni ta Yehovha. Loko vavalangi ni vatluti va tshinele eka swigolonyana sweswo, va byeriwe leswaku va nga titekela mahala minkandziyiso yihi ni yihi leyi sekeriweke eBibeleni leyi navetisiwaka. Vahundzi vo tala va ndlela va tsakele xihloko lexi nge “Xana Misava Leyi Nga Riki Na Xihlawuhlawu Yi Ta Fika Rini?” lexi a xi ri eka magazini wa Xihondzo xo Rindza naswona va rhambiwe ku ya yingisela nkulumo leyi sekeriweke eBibeleni leyi a yi ta nyikeriwa hi Xifurwa, Xinghezi kumbe Xipaniya.

Vatshami va kwalaho va ri tlangele ngopfu lunghiselelo rero. Wanuna un’wana loyi eku sunguleni a hlamarisiweke hi ku vona Timbhoni ti yime erivaleni ekusuhi ni xigolonyana xa tona, u te: “Ndza tsaka ku mi vona eswitarateni. Ndza va xixima vanhu lava yimelaka tidyondzo leti va pfumelaka eka tona hambileswi mina ndzi nga pfumeriki eka tidyondzo ta n’wina.” Vakhalabye vambirhi lava hlanganeke ni vantshwa lava nga Timbhoni va ri karhi va chumayela erivaleni va va byele va ku: “Mi fanele mi tinyungubyisa hi leswi mi nga swona!”

 

DYONDZA SWO TALA

Xana Misava Leyi Nga Riki Na Xihlawuhlawu Yi Ta Fika Rini?

Mintokoto leyi kombisaka ndlela leyi Bibele yi va pfunaka ha yona vanhu ku tshika xihlawuhlawu. Hi rini laha xi nga ta heriseriwa makumu?