Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xikolo Xa Giliyadi Lexi Se Xi Nga Ni Malembe Ya 70 Xi Ri Kona

Xikolo Xa Giliyadi Lexi Se Xi Nga Ni Malembe Ya 70 Xi Ri Kona

Hi February 1, 1943, ku sungule xikolo xo hlawuleka swinene le New York. Xikolo xexo, lexi sweswi xi tivekaka tanihi Xikolo xa Bibele xa Giliyadi xa Watchtower, xi nyikele ndzetelo wo hlawuleka eka vavanuna ni vavasati vo tlula 8 000 lava humaka ematikweni yo hambana-hambana.

Ehenhla: Ndhawu leyi ku ngheniwaka hi yona eXikolweni xa Giliyadi eSouth Lansing, le New York. Ehansi: Muleteri wa le Giliyadi a ri karhi a dyondzisa ntlawa wa vu-31 wa swichudeni swa Giliyadi

Jonathan un’wana wa lava ha ku thwasaka eGiliyadi, u te: “Dyondzo leyi hi yi kumeke leyi sekeriweke eRitweni ra Xikwembu, yi ta hi pfuna leswaku hi swi lunghekela kahle ku chumayela kun’wana ni kun’wana ni vanhu va mindhavuko yo hambana-hambana.” Nsati wakwe, Marnie, u engetela a ku: “Sweswi ndzi titwa ndzi navela ku pfuna vanhu va swi vona leswaku a yi kona ndlela yo antswa ya vutomi ku tlula leyi Muvumbi wa hina a hi lunghiseleleke yona. Ndza pfumela leswaku ku pfuna van’wana va tiva Yehovha swi ta cinca vutomi bya vona.”

Xikolo xa Giliyadi xi nyikela dyondzo ya mahala leyi tekaka tin’hweti ta ntlhanu. Xi dyondzisa Bibele ni nkoka wa ntirho wo chumayela. Xikongomelo xa xikolo lexi i ku letela swichudeni leswaku swi khutaza ni ku tiyisa vanhu va Xikwembu, ku swi pfuna leswaku swi hlakulela timfanelo ta moya leswaku swi kota ku langutana ni swiyimo swo tika. Swichudeni swi heta nkarhi etlilasini swi ri karhi swi tlhuvutsa milawu ya le Matsalweni leyi swi pfunaka ku tiyisa vuxaka bya swona na Yehovha Xikwembu.

Ehenhla: Hi 1958, Albert Schroeder a ri karhi a dyondzisa swichudeni swa Giliyadi a tirhisa xifaniso xa muako wa tabernakela. Ehansi: Hi 1968, Ulysses Glass a ri karhi a dyondzisa ntlawa wa vu-46 wa swichudeni swa Giliyadi

Mimpatswa hinkwayo leyi yaka eka Xikolo xa Giliyadi yi va yi tirhela Yehovha entirhweni wa nkarhi hinkwawo. Loko se yi thwasile, yi nga ha tlheriseriwa eka swiavelo swa yona kumbe yi rhumeriwa ku ya tirha ematikweni man’wana. Yin’wana yi nga ha averiwa ku ya tirha eka rin’wana ra marhavi lama tlulaka 90 ya Timbhoni ta Yehovha. Yo tala yi averiwa ku ya tirha laha ku nga ni vanhu vo tala leswaku yi ta va chumayela.

Eku sunguleni Xikolo xa Giliyadi a xi ri eKingdom Farm, le South Lansing, eNew York. Hi 1961, xikolo lexi xi rhurhiseriwe eyindlu-nkulu ya misava hinkwayo ya Timbhoni ta Yehovha le Brooklyn, eNew York. Hi 1988 ku ya ka 1995, xikolo lexi a xi khomeriwa eWatchtower Farms leyi nga eWallkill, le New York. Kutani hi 1995, xi rhurhiseriwe endhawini leyi xi nga eka yona sweswi eNtsindza wa Dyondzo wa Watchtower ePatterson, le New York. Hi March 2013, a ku thwasa ntlawa wa vu-134.

Ehenhla: Hi 2003, Swichudeni swa ntlawa wa vu-116 wa Giliyadi swi ri eku dyondzeni. Ehansi: Hi 2011, Swichudeni swi ri karhi swi hlaya elayiburari ya Giliyadi

Mathwasana ya Xikolo xa Bibele xa Giliyadi ma veke xikombiso lexinene xo chumayela hi ku tshembeka malunghana na Yehovha ku ringana malembe ya 70.