Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Mukamberi Wa Vuhlayiseki U Bumabumela Timbhoni

Mukamberi Wa Vuhlayiseki U Bumabumela Timbhoni

Endzhaku ka loko mukamberi wa vuhlayiseki wa mfumo a endzele ndhawu leyi a ku akiwa Holo ya Mfumo eka yona eximutanini lexi nga ehandle ka doroba ra Sydney le Australia, u te: “Endzhaku ka nkarhi wo leha, leyi a ku ri yin’wana ya tindhawu letinene to aka leti ndzi tshameke ndzi ti endzela loko swi ta emhakeni ya vuhlayiseki.

Mukamberi yoloye u tsale a ku: “Ndhawu ya kona a yi languteriwe kahle . . . A [yi] basile ni ku hleleka naswona ndhawu yo nghena ni yo huma a yi ri kahle, tintambu hinkwato ta gezi a ti fambela [ehenhla] ti khomeleriwe hi swo huka swa pulasitiki [naswona] swo timela ndzilo a [swi] ri kona swi lunghekile . . . Vanhu hinkwavo endhawini yo aka a va ambale tihembe to leha mavoko, maburuku yo leha, makarapa ni tinghilazi ta vuhlayiseki. . . . Vanhu va le ndhawini yo aka a va pfunana.

Victor Otter, mulanguteri wa ndhawu yo aka, u te: “Timbhoni ti teka vuhlayiseki byi ri bya nkoka swinene. Loko hi tirha hi hlayisekile hi kombisa ndlela leyi Xikwembu xi byi tekaka ha yona vutomi naswona sweswo swi kondletela vun’we ni ntsako. Endzhaku ko tirha siku hinkwaro, hakanyingi ndzi tlhelela ekaya ndzi tsakile.

Holo yoleyo ya Mfumo leyi nga ni switulu swa 127 yi hetiwe hi April 2012.