Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Layiburari Leyi Khomekaka

Layiburari Leyi Khomekaka

Hi October 7, 2013, Timbhoni ta Yehovha ti humese progreme ya tiselfoni leyi pfunaka ku hlaya ni ku dyondza Bibele leyi vuriwaka JW Library. Progreme leyi ya Bibele leyi kumekaka mahala yi ni Tibibele ta tsevu to hambana-hambana ta Xinghezi, ku katsa ni Bibele ya King James Version swin’we ni nkandziyiso lowu pfuxetiweke wa 2013 wa Bibele ya New World Translation of the Holy Scriptures. *

Ha Yini Yi Endliwile?

Vanhu va timiliyoni va titshege hi ti-smartphone, ti-tablet kumbe michini yin’wana yo fana na tona leswaku va endla mintirho ya vona ni ku vulavurisana ni van’wana. Tanihi leswi vanhu lava tirhisaka switirhisiwa leswi ana se va kuma minkandziyiso leyi va pfunaka ku hlaya ni ku dyondza Bibele eka website ya jw.org, ha yini ku endliwe JW Library?

Xo sungula, a swi bohi leswaku u nghena eka Internet leswaku u kota ku tirhisa progreme leyi endzhaku ka loko u yi hoxile eka xitirhisiwa xa wena, xisweswo u nga yi tirhisa hambiloko u nga ri na Internet. Xa vumbirhi, ngopfu-ngopfu yi endleriwe ku pfuna muhlayi leswaku a kuma matsalwa hi ku olova ni ku dyondza Bibele hi ndlela leyi dzikeke swinene. Njhani?

JW Library Yi Pfuna Ku Dyondza Bibele

Loko u pfula JW Library ro sungula, yi kombisa mavito ya tibuku ta Bibele. Loko u hlawula buku yo karhi ya Bibele, tluka leri landzelaka ri ta kombisa nxaxamelo wa tindzima ta buku yoleyo. Xisweswo, yi endla leswaku u kuma ndzimana kumbe xiyenge xo karhi eka ndzima hi tisekoni. Progreme leyi yi ni swilo swin’wana swo hlayanyana leswi pfunaka loko u dyondza Bibele:

  • Tinhlamuselo ta le hansi leti kombaka mahundzuluxelelo man’wana ni rungula rin’wana leri engetelekeke

  • Swikombo swa tindzimana ta Bibele leti fambisanaka

  • Ku kota ku secha hikwako lomu rito kumbe xiga xo karhi xi humelelaka kona

  • Rungula leri hlamuselaka leswi nga endzeni eku sunguleni ka buku ha yin’we ya Bibele

  • Bokisi leri vulaka mutsari wa buku ha yin’we ya Bibele, ndhawu ni nkarhi lowu yi tsariweke ha wona ni nkarhi lowu hetiweke yi ri karhi yi tsariwa

  • Xiphemu lexi nga ni mimepe, tichati, nxaxamelo wa minkarhi ni tidayagramu leti nga ni mivalavala

Ku fana ni minkandziyiso hinkwayo ya Timbhoni ta Yehovha, JW Library yi kumeka mahala. Progreme leyi ya Bibele leyi kumekaka mahala naswona yi endliweke hi mali leyi nyikeriweke hi ku tirhandzela, ana se yi kopiwe minkarhi leyi tlulaka miliyoni. (2 Vakorinto 9:7) Ha yini u nga yi ringeti kutani u vona ndlela leyi layiburari leyi, leyi khomekaka yo hlawuleka yi pfunaka ha yona?

^ ndzim. 2 Hi January 2014, progreme leyi yi antswisiwile. Sweswi yi ni tindzimana ta Matsalwa lama hlayiwaka siku ni siku ni buku ya tinsimu leyi tirhisiwaka hi Timbhoni ta Yehovha.