Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ku Olovisiwa Ka Xihondzo xo Rindza

Ku Olovisiwa Ka Xihondzo xo Rindza

Ku sukela enkandziyisweni wa July 2011, ku sungule ku kandziyisiwa Xihondzo xo Rindza xa Xinghezi lexi olovisiweke, leswi a swi ta teka lembe hinkwaro ku vona leswaku swi ta famba njhani. Nkarhi wolowo se wu herile kutani xiboho lexi tekiweke i xa leswaku nkandziyiso lowu olovisiweke wu hambeta wu kandziyisiwa hilaha ku nga heriki.

Ku sukela hi January 2013, nkandziyiso lowu olovisiweke wu ta kumeka ni hi Xifurwa, Xiputukezi ni Xipaniya.

Nkandziyiso lowu olovisiweke wu endleriwe ku pfuna vanhu lava hlanganyelaka emavandlheni lama khomaka minhlangano hi Xinghezi eHolweni ya Mfumo kambe ririmi ra vona ra manana ku nga riki Xinghezi.

Ku sukela enkandziyisweni wo sungula, ku rhumeriwe mapapila yo tala yo nkhensa. Rin’wana ra wona ri rhumeriwe hi Rebecca wa malembe ya 64 loyi a tshamaka eLiberia naswona a nga siki tshamaka a nghena xikolo. U tsale a ku: “Ndzi le ku dyondzeni ku hlaya. Minkarhi yin’wana ndzi hlaya Xihondzo xo Rindza kambe a ndzi xi twisisi. Ndzi rhandza nkandziyiso lowu olovisiweke. Wona ndza wu twisisa.

Vatswari vo tala va tirhisa nkandziyiso lowu olovisiweke leswaku va pfuna vana va vona ku lunghiselela Dyondzo ya Xihondzo xo Rindza, ku nga wun’wana wa minhlangano ya Timbhoni ta Yehovha.

Rosemary, manana loyi a nga ni swinhwanyetana swinharhu u tsale a ku: “Minkarhi hinkwayo a ku ri ntlhontlho lowukulu ku dyondza Xihondzo xo Rindza ni swinhwanyetana swa mina. A hi fanele hi tirhisa xihlamusela-marito leswaku hi languta nhlamuselo ya marito yo tala. Kutani a hi heta nkarhi wo tala hi ringeta ku twisisa marito lama tirhisiweke eswihlokweni swin’wana lawa a ma endla leswaku vana va mina va hundziwa hi tinhla. Sweswi hi heta nkarhi wo tala hi kambisisa matsalwa ni ku vona ndlela leyi ma fambisanaka ha yona ni dyondzo.

Hi lexi xikombiso lexi kombisaka ku hambana exikarhi ka rungula leri nga enkandziyisweni lowu olovisiweke ni lowu tolovelekeke. Loko ku hlamuseriwa nhlangano lowu a wu khomiwe hi vaapostola va Kreste lowu ku tsariweke ha wona eka Mintirho ndzima 15, nkandziyiso lowu tolovelekeke wu swi vekisa xileswi: What followed was, not a mind-numbing theological debate over dry technicalities, but a lively doctrinal discussion.Nkandziyiso lowu olovisiweke wu swi vekisa xileswi: Their meeting was, not a boring religious argument about unimportant details, but an exciting discussion about Bible teachings.