Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Website Ya jw.org Se Yi Ni Tindzimi To Tlula 300!

Website Ya jw.org Se Yi Ni Tindzimi To Tlula 300!

Loko u tlika emahlweni ka marito lama nge ririmi ra web site eka tlula leri, u ta vona nxaxamelo wa tindzimi to tlula 300—ku nga nhlayo leyi ti-website tin’wana ti nga yi fikeleriki!

Nhlayo yoleyo yi famba njhani loko yi pimanisiwa ni ya ti-website tin’wana leti dumeke? Xiya mhaka leyi: Ku sukela hi July 2013, website ya Nhlangano wa Matiko a yi kumeka hi tindzimi ta tsevu. Website ya le nawini ya Nhlangano wa Matiko ya Yuropa leyi vuriwaka Europa yi kumeka hi tindzimi ta 24. Website ya Google yi kumeka hi tindzimi ta 71 kasi Wikipedia yi kumeka hi tindzimi ta 287.

Swi lava nkarhi wo tala ku hundzuluxela website hi tindzimi to tlula 300! Wo tala wa ntirho lowu wu endliwa hi Timbhoni ta Yehovha ta madzana emisaveni hinkwayo leti lavaka leswaku ku dzunisiwa Yehovha. Ti tirha hi mintlawa leyi hlelekeke eka ririmi rin’wana ni rin’wana, ti tirhisa vutshila bya tona ku hundzuluxela rungula ra Xinghezi.

Website ya jw.org yi ni matluka yo tala ya rungula lama hundzuluxeriwaka hi tindzimi leti tlulaka 300, kutani nhlayo ya matluka hinkwawo ya website leyi ma tlula 200,000!

Website ya jw.org a yo kumeka hi tindzimi to tala ntsena kambe ya rhandziwa swinene. Mhaka leyi yi kombisiwa hi tinhlayo leti hlanganisiweke hi khampani leyi kambisisaka matirhiselo ya Internet emisaveni hinkwayo leyi vuriwaka Alexa. Eka xiyenge xa “Vukhongeri ni Timhaka ta Xikwembu” yi ni nxaxamelo wa ti-website ta kwalomu ka 87 000, ku katsa ni ta vukhongeri lebyikulu emisaveni, vakandziyisi va timhaka ta vukhongeri ni minhlangano yin’wana yo fana na yona. Eka nxaxamelo wolowo, ku sukela hi July 2013, website ya jw.org yi yime endhawini ya vumbirhi! Website leyi nga endhawini yo sungula eka nxaxamelo wolowo i ya swa mabindzu leyi vanhu va ngheneka eka yona leswaku va kuma vuhundzuluxeri byo hambana-hambana bya Bibele.

Ku sukela hi October 2013, a ku nghena vanhu vo tlula 890 000 hi xiringaniso eka website ya jw.org hi siku. Hi ta hambeta hi endla leswaku rungula leri pfunaka leri humaka eBibele ri kumeka mahala eka vanhu kun’wana ni kun’wana laha va nga kona.

DYONDZA SWO TALA

Ndlela Leyi Minkandziyiso Ya Hina Yi Tsariwaka Yi Tlhela Yi Hundzuluxeriwa Ha Yona?

Hi kandziyisa minkandziyiso hi tindzimi to tlula 700. Ha yini hi endla matshalatshala lawa hinkwawo?