Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Ku Hungutiwa Matluka, Ku Andza Tindzimi

Ku Hungutiwa Matluka, Ku Andza Tindzimi

Ku sukela hi January 2013, magazini wa Xalamuka! ni nkandziyiso wa vanhu hinkwavo wa Xihondzo xo Rindza swi ta hungutiwa matluka ma suka eka 32 ma ya eka 16 eka nkandziyiso wun’wana ni wun’wana.

Leswi timagazini leti ti nga ta va ni rungula ritsongo, mintlawa yo hundzuluxela yi ta swi kota ku ti hundzuluxela hi tindzimi leti engetelekeke. Sweswi, Xalamuka! yi hundzuluxeriwa hi tindzimi ta 84 kasi Xihondzo xo Rindza xi hundzuluxeriwa hi tindzimi ta 195.

Nkandziyiso wa vandlha wa Xihondzo xo Rindza wu ta hambeta wu va ni matlula ya 32.

Ku Hungutiwa Matluka Lama Kandziyisiwaka—Ku Va Ni Matluka Lama Engetelekeke Eka Website

Ku cinca loku nga ta va kona eka timagazini ta hina ku ta vuyerisa website ya hina ya www.jw.org hi tindlela timbirhi.

  1. Swihloko swin’wana leswi eku sunguleni a swi kandziyisiwa eka timagazini ta hina swi ta kumeka ntsena eka web site leyi. Hi xikombiso, swihloko leswi nge “Ta Vantswa Va Hina,” “Tidyondzo Ta Mina Ta Bibele” ni xiviko xa mathwasana ya Giliyadi leswi a swi va kona eka nkandziyiso wa vanhu hinkwavo wa Xihondzo xo Rindza swin’we ni leswi nge “Swivutiso Swo Bula Ha Swona eNdyangwini” ni “Vantshwa Va Vutisa” swa Xalamuka! sweswi swi ta kumeka ntsena eka Internet.

  2. Xihondzo xo Rindza ni Xalamuka swi ta kumeka hi tindlela tin’wana leti engetelekeke ta elektroniki. Ku ringana malembe yo tala, ti-PDF ta Xihondzo xo Rindza ni ta Xalamuka! a ti hoxiwa eka website ya hina ya www.jw.org. Sweswi timagazini leti ti ta kumeka hi muxaka wa HTML leswaku swi ku olovela ku ti hlaya eka khompyuta kumbe selfoni. Swi ta tlhela swi ku olovela ku kuma minkandziyiso yin’wana ya hina, leyi kumekaka eka website leyi hi tindzimi ta kwalomu ka 400.