Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Vavabyi Lava Nga Timbhoni Hakanyingi Va Hatla Va Hlakarhela

Vavabyi Lava Nga Timbhoni Hakanyingi Va Hatla Va Hlakarhela

AUSTRALIA: “Vavabyi lava nga Timbhoni ta Yehovha lava alaka ku pomperiwa ngati hikwalaho ka swivangelo swa vukhongeri—entiyisweni va hatla va hlakarhela ku tlula vavabyi van’wana,” ku vika phepha-hungu ra October 2, 2012 ra The Sydney Morning Herald.

Xiviko xexo xi tshahe Profesa wa Vutshunguri James Isbister wa le Sydney Medical School, University of Sydney. Phepha-hungu ri vike ri ku: “Profesa Isbister u vule leswaku Timbhoni ta Yehovha a ti nyikiwa mirhi leyinene hi madokodela ma ringeta ku hlayisa ngati ya tona. Hikwalaho ka sweswo a ti pona hi xitalo, a ti tshama nkarhi wutsongo exibedlhela ni le makamareni yo khathalela vavabyi hi ndlela yo hlawuleka ku tlula vavabyi van’wana lava pomperiweke ngati loko va endliwa vuhandzuri.”

Dokodela Isbister a hi wo sungula ku vula mhaka leyi. Malunghana ni vavabyi lava nga Timbhoni lava endliweke vuhandzuri bya mbilu, nkandziyiso wa July 2, 2012 wa magazini lowu kandziyisiweke hi American Medical Association wu te: “Timbhoni ta Yehovha a ti nga vi na swiphiqo swo tala leswikulu endzhaku ka vuhandzuri naswona a va nga tshami nkarhi wo leha exibedlhele ku fana ni vavabyi lava endliweke vuhandzuri lebyi fanaka lava pomperiweke ngati.”