Nhlamulo ya Bibele

Ina. Xikwembu xi tshama ematilweni. Twana leswi tindzimana ta Bibele ti swi vulaka:

Loko Hosi Solomoni a khongela u te: “Onge wena u nga swi yingisa u ri ematilweni, ndhawu ya wena yo tshama eka yona.”—1 Tihosi 8:43.

Yesu Kreste u dyondzise vadyondzisiwa vakwe ndlela leyi a va fanele va khongela ha yona eka “Tata wa [vona] la nge matilweni.”—Matewu 6:9.

Endzhaku ka loko Yesu a pfuxiwile, u nghene “etilweni hi koxe, kutani a humelela emahlweni ka Xikwembu hi xiviri.”—Vaheveru 9:24.

Tindzimana teto ti kombisa leswaku Yehovha Xikwembu i wa xiviri naswona a nga tshami kun’wana ni kun’wana kambe u tshama ematilweni ntsena.