Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Xana Diyavulosi A Nga Va Lawula Vanhu?

Xana Diyavulosi A Nga Va Lawula Vanhu?

Nhlamulo ya Bibele

Diyavulosi ni madimona va kucetela vanhu swinene lerova Bibele yi ri: “Lowo homboloka u lawula misava hinkwayo.” (1 Yohane 5:19, New Century Version) Bibele yi boxa tindlela leti Diyavulosi a va kucetelaka ha tona vanhu.

  • Vuxisi. Bibele yi khutaza Vakreste leswaku va “lwisana ni marhengu ya Diyavulosi.” (Vaefesa 6:11) Rhengu rin’wana i ku xisa vanhu va tshemba leswaku vatirheli vakwe i malandza ya Xikwembu.—2 Vakorinto 11:13-15.

  • Vungoma. Diyavulosi u xisa vanhu hi ku tirhisa vungoma, vavhumbhi ni vahlahluvi kumbe vungoma bya swilo swa le mpfhukeni. (Deteronoma 18:10-12) Ku tirhisa swidzidziharisi, ku tekela munhu dzano ni vuloyi.—Luka 11:24-26.

  • Vukhongeri bya mavunwa. Vukhongeri lebyi dyondzisaka mavunwa byi hambukisa vanhu leswaku va nga yingisi Xikwembu. (1 Vakorinto 10:20) Bibele yi vula leswaku tidyondzo teto ta mavunwa i ‘tidyondzo ta madimona.’—1 Timotiya 4:1.

  • Ku va ni madimona. Bibele ya vulavula hi mimoya yo biha leyi lawulaka vanhu. Minkarhi yin’wana vanhu lava nga ni madimona va va mabofu, va nga koti ku vulavula kumbe hambi ku ri ku tivavisa.—Matewu 12:22; Marka 5:2-5.

Ndlela yo papalata nkucetelo wa Diyavulosi

A wu fanelanga u tshama u ri karhi u chava ku lawuriwa hi madimona hikuva Bibele yi kombisa ndlela leyi u nga kanetaka Diyavulosi ha yona:

  • Dyondza ku xiya tindlela ta Diyavulosi leswaku u “ma tiva makungu yakwe.”—2 Vakorinto 2:11.

  • Nghenisa vutivi lebyi humaka eBibeleni naswona u tirhisa leswi u swi dyondzaka. Loko u endla tano, swi ta ku sirhelela eka nkucetelo wa Diyavulosi.—Vaefesa 6:11-18.

  • Cukumeta xin’wana ni xin’wana lexi fambisanaka ni mintirho ya madimona. (Mintirho 19:19) Sweswo swi katsa vuyimbeleri, tibuku, timagazini, swifaniso ni tivhidiyo leti khutazaka vungoma.