Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Tihele I Yini? Xana I Ndhawu Leyi Vanhu Va Xanisiwaka Eka Yona Hilaha Ku Nga Heriki?

Tihele I Yini? Xana I Ndhawu Leyi Vanhu Va Xanisiwaka Eka Yona Hilaha Ku Nga Heriki?

Nhlamulo ya Bibele

Vuhundzuluxeri byin’wana bya Bibele byi tirhisa rito “tihele” ematshan’weni ya leri nge “Sheol” hi Xiheveru ni leri nge “Hayidesi” hi Xigriki, lawa ha mambirhi ka wona ma vulaka sirha leri tolovelekeke. (Pisalema 16:10; Mintirho 2:27) Vanhu vo tala va pfumelelana ni mhaka ya ndzilo wa tihele hilaha xifaniso xa vukhongeri lexi nga eka xihloko lexi xi kombisaka hakona. Hambiswiritano, Bibele yi dyondzisa leswi hambaneke ni sweswo.

  1. Lava nga etiheleni a va tivi nchumu naswona a va twi ku vava. “A ku na ntirho hambi ku ri kungu, vutivi kumbe vutlhari eSheol.”—Eklesiasta 9:10.

  2. Vanhu lavanene na vona va ya etiheleni. Yakobe na Yobo vavanuna vo tshembeka, a va swi tiva leswaku va ta ya kona.—Genesa 37:35; Yobo 14:13.

  3. Rifu hi rona hakelo ya xidyoho ku nga ri ku hisiwa etiheleni. “Loyi a feke, xidyoho xa yena xi hlanguriwile.”—Varhoma 6:7.

  4. Ku xanisiwa hilaha ku nga heriki a ku fambisani ni vululami bya Xikwembu. (Deteronoma 32:4) Loko wanuna wo sungula Adamu a dyohile, Xikwembu xi n’wi byele leswaku nxupulo wa yena i ku nga ha hanyi: “U ntshuri u ta tlhelela entshurini.” (Genesa 3:19) Xikwembu a xi ta va xi hemba loko entiyisweni a xi yisa Adamu endzilweni wa tihele.

  5. Xikwembu a xi nge tshuki xi anakanye hi ku xanisa vanhu hilaha ku nga heriki. Mhaka ya leswaku xi xanisa vanhu endzilweni wa tihele a yi fambisani ni dyondzo ya Bibele leyi nge, “Xikwembu i rirhandzu.”—1 Yohane 4:8; Yeremiya 7:31.