Mfumo wa Xikwembu wu ta siva tihulumendhe hinkwato ta vanhu ivi wu fuma misava hinkwayo. (Daniyele 2:44; Nhlavutelo 16:14) Endzhaku ka sweswo Mfumo wa Xikwembu wu ta . . .

•   Herisa lavo homboloka, lava vutianakanyi bya vona byi hi dyisaka mbitsi hinkwerhu. “Loko ku ri lavo homboloka, va ta dlayiwa emisaveni.”—Swivuriso 2:22.

•   Herisa tinyimpi hinkwato. “[Xikwembu xi] herisa tinyimpi ku ya fika emakumu ya misava.”—Pisalema 46:9.

•   Tisa ku rhula ni nsirhelelo emisaveni. “Munhu un’wana ni un’wana u ta titshamela endzhutini wa murhi wa yena wa vhinya kumbe nkuwa, ku ri hava loyi a n’wi chavisaka.”—Mikiya 4:4, Bibele—Mahungu lamanene.

•   Hundzula misava yi va paradeyisi. “Mananga ni tindhawu leti omeke swi ta tsaka, makwandzasi ma ta ba minkulungwana, ku ta mila swiluva swa nhova, swi baleka swinene.”—Esaya 35:1, Bibele—Mahungu lamanene.

•   Nyika un’wana ni un’wana ntirho lowu n’wi tsakisaka. “Ntirho wa mavoko ya vona, vahlawuriwa va mina va ta wu tirhisa hi xitalo. A va nge tirheli swa hava hi matimba.”—Esaya 65:21-23.

•   Herisa mavabyi. “Ku hava munhu la tshamaka kona la nga ta ku: ‘Ndza vabya.’”—Esaya 33:24.

•   Endla leswaku hi nga ha dyuhali. “Nyama yakwe a yi ve yintshwa ku tlula evuntshweni; a a vuyele emasikwini ya matimba yakwe ya vuntshwa.”—Yobo 33:25.

•   Pfuxa vafi. “Hinkwavo lava nga eka masirha-bako ya xitsundzuxo va nga ta twa rito ra yena kutani va huma.”—Yohane 5:28, 29.