Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Xana Xikwembu Xi Fanele Xi Soriwa Hikwalaho Ka Leswi Hi Xanisekaka?

Xana Xikwembu Xi Fanele Xi Soriwa Hikwalaho Ka Leswi Hi Xanisekaka?

Nhlamulo ya Bibele

Bibele yi ri a hi fanelanga hi sola Xikwembu! A ku nga ri xikongomelo xa Yehovha Xikwembu leswaku vanhu va xaniseka. Hambiswiritano, mpatswa wo sungula wu xandzukele vulawuri bya Xikwembu, wu tihlawulela ku tivekela milawu ya wona ya leswinene ni leswo biha. Wu fularhele Xikwembu ivi wu xaniseka hikwalaho ka sweswo.

Namuntlha ha xaniseka hikwalaho ka xiboho xa wona xo biha. Kambe a hi Xikwembu lexi vangelaka vanhu ku xaniseka.

Bibele yi ri: “Loko a ri endzingweni, munhu a nga vuli a ku: ‘Ndzi ringiwa hi Xikwembu.’ Hikuva Xikwembu xi nga ka xi nga ringiwi hi swilo swo biha naswona xona a xi ringi munhu.” (Yakobo 1:13) Ku xaniseka ku khumba vanhu hinkwavo, hambi ku ri lava Xikwembu xi va rhandzaka.