Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Yesu I Vito Ra Xikwembu?

Xana Yesu I Vito Ra Xikwembu?

Nhlamulo ya Bibele

Yesu u vule leswaku yena i “N’wana wa Xikwembu.” (Yohane 10:36; 11:4) Yesu a nga vulanga nikatsongo leswaku yena i Xikwembu xa Matimba Hinkwawo.

Ku tlula kwalaho, Yesu u khongele eka Xikwembu. (Matewu 26:39) Nakambe loko a dyondzisa valandzeri vakwe ndlela yo khongela u te: “Tata wa hina la nge matilweni, vito ra wena a ri kwetsimisiwe.”—Matewu 6:9.

Yesu u boxe vito ra Xikwembu loko a tshaha xiphemu xa khale xa Tsalwa a ku: “Twana, Wena Israyele, Yehovha Xikwembu xa hina i Yehovha un’we.”—Marka 12:29; Deteronoma 6:4.

 

DYONDZA SWO TALA

Xana Xikwembu Xi Ni Vito?

Xikwembu xi ni swithopo swo tala, swo tanihi lexi nge Lowa Matimba Hinkwawo, Muvumbi ni lexi nge Hosi. Kambe vito ra xona ri tirhisiwa minkarhi ya kwalomu ka 7 000 eBibeleni.

Xana Yesu I Xikwembu?

Vanhu vo tala va vula leswaku dyondzo ya Vunharhu-un’we i “dyondzo-nkulu ya vukhongeri bya Vukreste.” Twana leswi Bibele yi swi vulaka.