Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ha Yini Yesu A Vitaniwa N’wana Wa Xikwembu?

Ha Yini Yesu A Vitaniwa N’wana Wa Xikwembu?

Nhlamulo ya Bibele

Xikwembu a xi na yena nsati wa xiviri loyi xi veke ni vana na yena. Kambe i Muvumbi wa swilo hinkwaswo leswi hanyaka. (Nhlavutelo 4:11) Hikokwalaho, munhu wo sungula loyi xi n’wi vumbeke, Adamu, u vuriwa “n’wana wa Xikwembu.” (Luka 3:38) Hilaha ku fanaka, Bibele yi dyondzisa leswaku Yesu u vumbiwe hi Xikwembu. Kutani Yesu u tlhela a vitaniwa “N’wana wa Xikwembu.”—Yohane 1:49.

Xikwembu xi vumbe Yesu xi nga si vumba Adamu. Malunghana na Yesu, muapostola Pawulo u tsale a ku: “I xifaniso xa Xikwembu lexi nga vonakiki, mativula ya ntumbuluko hinkwawo.” (Vakolosa 1:15) Yesu u rhange a hanya etilweni emahlweni ko va a velekiwa exitaleni le Betlehema. Entiyisweni, Bibele yi vula leswaku “masungulo yakwe ma sukela eminkarhini yo sungula, ku sukela emasikwini ya nkarhi lowu nga riki na makumu.” (Mikiya 5:2) Leswi Yesu a nga N’wana wa Xikwembu wa mativula, a a ri xivumbiwa xa moya etilweni a nga si velekiwa tanihi munhu emisaveni. Yesu hi byakwe u te: “Ndzi xike hi le tilweni.”—Yohane 6:38; 8:23.

DYONDZA SWO TALA

Yesu—Laha A Humaka Kona

Dyondza hi ndhawu leyi Yesu a velekiweke eka yona, laha a kurisiweke kona ni laha a humaka kona.

Ha Yini Xikwembu Xi Rhume Yesu eMisaveni?

Vona leswaku ha yini Yesu a te emisaveni ni ndlela leyi hi vuyeriwaka ha yona namuntlha.