Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Swidyondzi Swa Pfumela Leswaku Yesu U Tshame A Hanya Emisaveni?

Xana Swidyondzi Swa Pfumela Leswaku Yesu U Tshame A Hanya Emisaveni?

Swidyondzi swi ni swivangelo leswi twalaka swo pfumela leswaku Yesu u tshame a hanya emisaveni. Malunghana ni timhaka leti tsariweke hi van’wamatimu va lembe-xidzana ro sungula ni ra vumbirhi leti vulavulaka hi Yesu ni Vakreste vo sungula, Nkandziyiso wa 2002 wa Encyclopædia Britannica wu ri: “Timhaka teto ti kombisa leswaku eminkarhini ya khale hambi ku ri vanhu lava a va lwisana ni vukhongeri bya Vukreste a va si tshama va kanakana mhaka ya leswaku Yesu u tshame a hanya emisaveni, leyi kanetiweke ro sungula eku heleni ka lembe-xidzana ra vu-18, hi lembe-xidzana ra vu-19 ni le ku sunguleni ka lembe-xidzana ra vu-20 handle ka swivangelo leswi twalaka.

Hi 2006 buku leyi nge Jesus and Archaeology yi te: “Namuntlha ku hava xidyondzi lexi dumeke lexi kanakanaka leswaku Muyuda la vuriwa Yesu n’wana wa Yosefa u tshame a hanya laha misaveni; swo tala swi pfumela hi ku helela leswaku sweswi hi tiva swilo swo tala malunghana ni swiendlo ni tidyondzo ta yena ta xisekelo.

Bibele yi vulavula hi Yesu tanihi munhu wa xiviri. Yi hi byela mavito ya maxaka ya yena ni vandyangu wa ka vona. (Matewu 1:1; 13:55) Yi tlhela yi hi byela hi tihosi leti dumeke leti hanyeke enkarhini wa Yesu. (Luka 3:1, 2) Vuxokoxoko byebyo byi endla leswaku vakambisisi va kota ku kambisisa loko rungula leri nga eBibeleni ri pakanisa hakunene.

DYONDZA SWO TALA

Xivangelo Xo Tshemba Tibuku Ta Mune Ta Bibele Ta Matewu, Marka, Luka Na Yohane

Xiya vumbhoni bya matsalwa ya khale lama tsariweke hi voko.

Mfumo Wa Rhoma eMatin’wini Ya Bibele

Mfumo wa Rhoma wa khale wu byi hetisise njhani vuprofeta bya le Bibeleni?