Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Loko Mpatswa Wu Rhandzana, Xana Swi Lulamile Ku Va Wu Tshama Swin’we Wu Nga Tekananga?

Loko Mpatswa Wu Rhandzana, Xana Swi Lulamile Ku Va Wu Tshama Swin’we Wu Nga Tekananga?

Nhlamulo ya Bibele

Bibele yi vula hi ku kongoma leswaku “Xikwembu xi ta avanyisa timbhisa ni vaoswi.” (Vaheveru 13:4) Rito ra Xigriki leri vulaka ‘vumbhisa,’ por·nei′a, ri katsa ku hlanganyela timhaka ta masangu mi nga tekananga. Hikwalaho, swi ta va swi hoxile emahlweni ka Xikwembu ku va mpatswa lowu nga tekanangiki wu tshama swin’we hambiloko wu tiyimisele ku tekana hi ku famba ka nkarhi.

Ku vuriwa yini loko mpatswa wu rhandzana swinene? Xikwembu xi lava leswaku wu tekana wu nga si hlanganyela timhaka ta masangu. Xikwembu hi xona xi hi vumbeke hi ri ni rirhandzu. Mfanelo ya Xikwembu leyikulu i rirhandzu. (1 Yohane 4:8) Xisweswo, xi ni xivangelo lexi twalaka xo vula leswaku vatekani hi vona ntsena lava faneleke va hlanganyela timhaka ta masangu.

DYONDZA SWO TALA

Titshege Hi Xikwembu Leswaku U Va Ni Vukati Lebyi Tsakisaka

Ku tirhisa swivutiso swimbirhi swo olova swi nga ku pfuna leswaku u antswisa vukati bya wena.