Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Xikwembu Xi Ni Vito?

Xana Xikwembu Xi Ni Vito?

Nhlamulo ya Bibele

Vanhu hinkwavo va ni mavito. Xana a swi ta twala loko Xikwembu a xi nga ri na vito? Ku va ni mavito ni ku ma tirhisa i swa nkoka eku akeni ka vunghana. Swi tano ni le ka vuxaka bya hina ni Xikwembu.

Bibele yi ri: “Hi mina Yehovha. Rero i vito ra mina.” (Esaya 42:8) Hambileswi Xikwembu xi nga ni swithopo swo tala swo tanihi lexi nge “Xikwembu xa Matimba Hinkwawo,” “Hosi Leyi Lawulaka” ni lexi nge “Mutumbuluxi,” xi lava leswaku vagandzeri va xona va xi vitana hi vito ra xona.—Genesa 17:1; Mintirho 4:24; 1 Petro 4:19.

Vuhundzuluxeri byo tala bya Bibele byi ni vito ra Xikwembu eka Eksoda 6:3. Ndzimana yoleyo yi ri: “A ndzi hamba ndzi humelela eka Abrahama, Isaka na Yakobe ndzi ri Xikwembu xa Matimba Hinkwawo, kambe malunghana ni vito ra mina, Yehovha, a ndzi ti tivisanga ha rona eka vona.

Yehovha i vito ra Xikwembu leri hundzuluxeriweke hi Xitsonga, leri ku nga khale ri tirhisiwa. Hambileswi vakambisisi vo tala va rhandzaka ku ri tsale ri va “Yahweh,” vito leri nge Yehovha hi rona leri tiviwaka ngopfu. Xiphemu xo sungula xa Bibele a xi nga tsariwanga hi Xinghezi kambe hi Xiheveru, lexi hlayiwaka ku suka exineneni ku ya eximatsini. Hi Xiheveru, vito ra Xikwembu a ri tsariwa hi switatisi swa mune, יהוה. Switatisi sweswo swa mune swa Xiheveru leswi hundzuluxeriweke hi ku landza mpfumawulo wa rito va ku YHWH—swi tiviwa tanihi Tetragrammaton.

DYONDZA SWO TALA

Xana Xikwembu Xi Ni Vito?

Xikwembu xi ni swithopo swo tala, swo tanihi lexi nge Lowa Matimba Hinkwawo, Muvumbi ni lexi nge Hosi. Kambe vito ra xona ri tirhisiwa minkarhi ya kwalomu ka 7 000 eBibeleni.

Xana Vito Leri Nge Yehovha Ri Fanele Ri Humelela Eka Testamente Leyintshwa?

I yini leswi Matsalwa yo sungula ya voko ma swi kombisaka?

Leswi Ku Tiva Vito Ra Xikwembu Swi Katsaka Swona

Twana leswi vito ra Xikwembu ri vulaka swona ni leswaku hina swi hi dyondzisa yini hi vumunhu bya xona.