Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Xana Swi Lulamile Ku Va Vakreste Va Tirhisa Swisivela-mbeleko?

Xana Swi Lulamile Ku Va Vakreste Va Tirhisa Swisivela-mbeleko?

Nhlamulo ya Bibele

Yesu a nga va lerisanga valandzeri vakwe leswaku va va ni vana kumbe va nga vi na vona. Nakambe ku hava ni un’we wa vadyondzisiwa va Yesu loyi a humeseke xileriso xo tano. Ku hava laha Bibele hi ku kongoma yi solaka ku tirhisa swisivela-mbeleko. Emhakeni leyi, ku tirha nawu lowu nga eka Varhoma 14:12 lowu nge: “Un’wana ni un’wana wa hina u ta tihlamulela eka Xikwembu.

Hikokwalaho, mimpatswa leyi tekaneke yi ntshunxekile ku tiendlela xiboho loko yi lava ku va ni vana kumbe e-e. Yi nga tlhela yi tiendlela xiboho xa leswaku yi ta va ni vana vangani nileswaku yi ta va na vona rini. Loko nuna ni nsati va hlawula ku tirhisa swisivela-mbeleko leswaku va papalata ku tika, xexo i xiboho ni vutihlamuleri bya vona vini. Ku hava loyi a faneleke a va avanyisa.—Varhoma 14:4, 10-13.