Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Bibele Ya Vulavula Hi Ku Susa Khwiri?

Xana Bibele Ya Vulavula Hi Ku Susa Khwiri?

Nhlamulo ya Bibele

Vutomi bya kwetsima eka Xikwembu naswona hambi ku ri mbungu xi wu teka tanihi munhu loyi a hanyaka. Hosi Davhida u huhuteriwe ku tsala leswi malunghana ni Xikwembu: “Mahlo ya wena ma vone ni xitumbulukwa xa mina.” (Pisalema 139:16) Xikwembu xi vule leswaku munhu a a ta boheka ku tihlamulela loko a vavise n’wana la nga si velekiwaka. Hikwalaho, ku dlaya n’wana la nga si velekiwaka i ku dlaya hi vomu eka Xikwembu.—Eksoda 20:13; 21:22, 23.

Hambiswiritano, i yini leswi nga endliwaka loko ko pfuka xiyimo xa xihatla hi nkarhi wa ku veleka lexi sindzisaka mpatswa leswaku wu hlawula exikarhi ko ponisa vutomi bya manana kumbe bya n’wana? Exiyin’weni xexo, mpatswa wu fanele wu endla xiboho xa leswaku i vutomi bya mani lebyi wu nga ta ringeta ku byi ponisa.