Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ha Yini Ku Nga Ri Na Ku Rhula Emisaveni?

Ha Yini Ku Nga Ri Na Ku Rhula Emisaveni?

Nhlamulo ya Bibele

Matshalatshala ya munhu yo tisa ku rhula emisaveni ma tsandzekile naswona ma ta hambeta ma tsandzeka hikwalaho ka swivangelo swo hlayanyana:

  • Munhu loyi a fambaka a nga ka a nga wu kongomisi nkondzo wa yena.” (Yeremiya 10:23) Vanhu a va nga vumbiwanga na byona vuswikoti kumbe mfanelo yo tifuma, kutani a va nge swi koti ku tisa ku rhula loku nga heriki emisaveni.

  • Mi nga tshembi vanhu va xiyimo xa le henhla, hambi ku ri n’wana wa munhu wa nyama, loyi a tsandzekaka ku ponisa. Moya wakwe wa huma, a tlhelela entshurini wa yena; hi siku rero miehleketo yakwe ya lova.” (Pisalema 146:3, 4) Varhangeri va tihulumendhe hambi ku ri lava nga ni swikongomelo leswinene, a va nge tisi ntlhantlho lowu heleleke wa swiphiqo leswi vangaka tinyimpi.

  • Emasikwini yo hetelela ku ta fika minkarhi ya mangava leyi swi nonon’hwaka ku langutana na yona. Hikuva vanhu va ta va . . . lava nga ni tihanyi, lava nga rhandziki vunene, vaxengi, lava omeke tinhloko, lava tikukumuxaka hi ku tinyungubyisa.” (2 Timotiya 3:1-4) Hi hanya “emasikwini yo hetelela,” ya misava leyi yo homboloka, ku nga nkarhi lowu mikhuva ya vanhu leyi tinyikeke matimba yi endlaka leswaku swi tika swinene ku kondletela ku rhula.

  • Khombo eka misava ni lwandle, hikuva Diyavulosi u xikele eka n’wina, a hlundzukile swinene, hi ku tiva leswaku u ni nkarhi wo koma.” (Nhlavutelo 12:12) Leswi nala wa Xikwembu Diyavulosi a lahleriweke laha misaveni, u kucetela vanhu leswaku va va ni moya wo biha. Loko a ha ri “mufumi wa misava leyi,” ku rhula a hi nge ku voni.—Yohane 12:31.

  • [Mfumo wa Xikwembu] wu ta pfotlosa kutani wu herisa mimfumo leyi hinkwayo [leyi kanetanaka ni Xikwembu], kambe wona wu ta tshama hilaha ku nga riki na makumu.” (Daniyele 2:44) Mfumo wa Xikwembu wu ta enerisa ku navela ka hina ko lava misava leyi nga ni ku rhula loku nga heriki, ku nga ri hulumendhe yihi ni yihi ya vanhu.—Pisalema 145:16.