Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xikwembu Xi Rhandza Leswaku Ndzi Endla Yini Hi Vutomi Bya Mina?

Xikwembu Xi Rhandza Leswaku Ndzi Endla Yini Hi Vutomi Bya Mina?

Nhlamulo ya Bibele

Xikwembu xi rhandza leswaku u xi tiva kahle, u tshinela eka xona, u xi rhandza u tlhela u xi tirhela hi mbilu wena hinkwayo. (Matewu 22:37, 38; Yakobo 4:8) U nga dyondza ndlela yo endla ku rhandza ka Xikwembu eka vutomi ni tidyondzo ta Yesu. (Yohane 7:16, 17) Yesu a nga lo vulavula hi ku rhandza ka Xikwembu ntsena, kambe u tlhele a ku endla. Entiyisweni, u vule leswaku xikongomelo xakwe evuton’wini a ku ri “ku ta endla ku rhandza ka loyi a [n’wi] rhumeke, kambe ku nga ri ka [yena].”—Yohane 6:38.

Xana ndzi lava xikombiso kumbe xivono xo hlawuleka leswaku ndzi tiva leswi Xikwembu xi rhandzaka leswaku ndzi swi endla hi vutomi bya mina?

E-e, hikuva Bibele yi ni rungula ra Xikwembu leri yaka eka vanhu. Yi ni leswi u swi lavaka leswaku u “hlomisiwa hi ku helela eka ntirho wun’wana ni wun’wana lowunene.” (2 Timotiya 3:16, 17) Xikwembu xi lava leswaku u tirhisa Bibele ku katsa ni “matimba ya [wena] ya ku anakanya” leswaku u dyondza leswi ku rhandza ka xona ku vulaka swona eka wena.—Varhoma 12:1, 2; Vaefesa 5:17.

Xana ndzi nga swi kota ku endla ku rhandza ka Xikwembu?

Ina, u nga swi kota hikuva Bibele yi ri: “Swileriso swa xona a swi tiki.” (1 Yohane 5:3) Sweswo a swi vuli leswaku ku yingisa swileriso swa Xikwembu swa olova minkarhi hinkwayo. Kambe vuyelo lebyi u nga ta byi kuma byi hundza matshalatshala lawa u faneleke u ma endla. Yesu u te: “Va tsaka lava twaka rito ra Xikwembu va tlhela va ri hlayisa!”—Luka 11:28.

 

DYONDZA SWO TALA

Xana Vutomi Bya Mina Byi Ni Xikongomelo?

Vanhu vo tala va anakanya leswaku mali ni ndhuma hi swona swo sungula evuton’wini, kambe ku ni swin’wana leswi tlulaka sweswo.