Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

I Yini Nyimpi Ya Armagedoni?

I Yini Nyimpi Ya Armagedoni?

Nhlamulo ya Bibele

Nyimpi ya Armagedoni yi kombetela eka nyimpi yo hetelela exikarhi ka mimfumo ya vanhu ni Xikwembu. Mimfumo leyi ni vaseketeri va yona va kaneta Xikwembu hi ku ala ku tiveka ehansi ka vuhosi bya xona. (Pisalema 2:2) Nyimpi ya Armagedoni yi ta lovisa mimfumo hinkwayo ya vanhu.—Daniyele 2:44.

Rito “Armagedoni” ri humelela kan’we eBibeleni eka Nhlavutelo 16:16. Hilaha swi profetiweke hakona, buku ya Nhlavutelo yi kombisa leswaku “endhawini leyi vuriwaka Har–Magedoni hi Xiheveru,” ‘tihosi ta misava hinkwayo leyi akiweke’ ti ta “ti hlengeletela nyimpi ya siku lerikulu ra Xikwembu xa Matimba Hinkwawo.”—Nhlavutelo 16:14.

I vamani lava nga ta lwa enyimpini ya Armagedoni? Yesu Kreste u ta rhangela vuthu ra nyimpi ra le tilweni leswaku a hlula valala va Xikwembu. (Nhlavutelo 19:11-16, 19-21) Valala lava va katsa lava lwisanaka ni vulawuri bya Xikwembu ni lava nga xi xiximiki.—Ezekiyele 39:7.

Xana Armagedoni yi ta lweriwa eVuxa Xikarhi hi ku kongoma? Nikatsongo. Ematshan’weni ya ku va yi lweriwa endhawini yin’we, nyimpi ya Armagedoni yi ta lweriwa emisaveni hinkwayo.—Yeremiya 25:32-34; Ezekiyele 39:17-20.

Minkarhi yin’wana, rito Armagedoni ri hundzuluxeriwa tanihi “Har–Magedon” (Har Meghiddohn′ hi Xiheveru), leswi vulaka “Ntshava ya Megido.” Ndhawu ya Megido yi tshame yi va doraba eIsrayele wa khale. Matimu ma komba leswaku ku lwiwe tinyimpi endhawini leyi, ku katsa ni tin’wana leti tsariweke eBibeleni. (Vaavanyisi 5:19, 20; 2 Tihosi 9:27; 23:29) Hambiswiritano, Armagedoni a yi kombeteli eka ndhawu hi ku kongoma leyi nga ekusuhi na Megido wa khale. A ku na ntshava leyikulu endhawini yoleyo naswona hambi ku ri rivala hinkwaro ra le Hansi ra Yizriyele a ri nge swi koti ku ringana vanhu lava nga ta lwa ni Xikwembu. Ematshan’weni ya sweswo, Armagedoni i xiyimo xa misava hinkwayo laha matiko ma nga ta hlangana kona ro hetelela ku lwa ni Xikwembu.

Ku ta va ku ri njhani hi nkarhi wa nyimpi ya Armagedoni? Leswi hi nga swi tiviki leswaku Xikwembu xi ta ma tirhisa njhani matimba ya xona, xi ta va xi ri ni matlhari ya xona ya ku lovisa yo tanihi lama xi ma tirhiseke enkarhini lowu hundzeke—xihangu, ku tsekatseka ka misava, ndhambi, ndzilo ni xivavula, rihati ni vuvabyi. (Yobo 38:22, 23; Ezekiyele 38:19, 22; Habakuku 3:10, 11; Zakariya 14:12) Hi ku pfilunganyeka, van’wana va valala va Xikwembu va ta dlayana kambe eku heteleleni va ta swi xiya leswaku i Xikwembu lexi lwaka na vona.—Ezekiyele 38:21, 23; Zakariya 14:13.

Xana Armagedoni ku ta va ku ri herisiwa ka misava? Ku ta va ku nga ri ku herisiwa ka pulanete ya hina tanihi leswi yi nga kaya ra hina leri nga riki na makumu. (Pisalema 37:29; 96:10; Eklesiasta 1:4) Ematshan’weni yo herisa vanhu, Armagedoni yi ta va ponisa hikuva “ntshungu lowukulu” wa malandza ya Xikwembu wu ta ponisiwa.—Nhlavutelo 7:9, 14; Pisalema 37:34.

Handle ka ku kombetela eka misava, rito “misava” eBibeleni minkarhi yin’wana ri kombetela eka vanhu vo biha lava kanetaka Xikwembu. (1 Yohane 2:15-17) Eka mongo wa mhaka leyi, Armagedoni ku ta va ku ri “ku hela ka misava.”—Matewu 24:3, Bibele Ya Xitsonga.

Armagedoni yi ta endlaka rini? Loko Yesu a vulavula hi “nhlomulo lowukulu” wo hetelela wa le nyimpini ya Armagedoni, u te: “Malunghana ni siku ra kona ni nkarhi wa kona a ku na munhu la swi tivaka, hambi ku ri tintsumi ta le matilweni hambi ku ri N’wana, kambe swi tiviwa hi Tatana ntsena.” (Matewu 24:21, 36) Nilokoswiritano, Bibele yi kombisa leswaku Armagedoni yi sungule hi nkarhi lowu Yesu a ha ri laha misaveni hi ku fanekisela, lowu sunguleke hi 1914.—Matewu 24:37-39.

DYONDZA SWO TALA

Xana Bibele Yi Dyondzisa Yini Hakunene?

Xana I Yini Siku Ra Vuavanyisi?

Dyondza ndlela leyi Siku ra Vuavanyisi ri nga ta va nkateko ha yona eka vanhu hinkwavo vo tshembeka.

Xana Bibele Yi Dyondzisa Yini Hakunene?

Xana Hi Hanya “eMasikwini Yo Hetelela”?

Anakanyisisa hi ndlela leyi swiendlo ni malangutelo ya vanhu lava hi rhendzeleke swi kombisaka ha yona leswaku sweswi hi hanya “emasikwini yo hetelela” lawa Bibele yi profeteke ha wona.