Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Nkarhi Wa Hina Wa Ku Fa Wu Kunguhatiwile?

Xana Nkarhi Wa Hina Wa Ku Fa Wu Kunguhatiwile?

Nhlamulo ya Bibele

Doo, nkarhi wa hina wa ku fa a wu kunguhatiwanga. Ematshan’weni yo seketela dyondzo ya ku kunguhateriwa, Bibele yi vula leswaku rifu ri tala ku vangiwa hi “xiendlakalo lexi nga languteriwangiki.”Eklesiasta 9:11.

Xana Bibele ya vula leswaku ku ni “nkarhi wa ku fa”?

Ina, Eklesiasta 3:2 yi vula leswaku ku ni “nkarhi wa ku velekiwa ni nkarhi wa ku fa; nkarhi wa ku byala ni nkarhi wa ku simula leswi a swi byariwile.” Hambiswiritano, mongo wa ndzimana leyi wu kombisa leswaku Bibele yi vulavula hi swiendlakalo leswi tolovelekeke evuton’wini. (Eklesiasta 3:1-8) Xikwembu a xi hi vekelanga nkarhi wa ku fa tanihi laha xi nga ta ka xi nga sindzisi murimi ku byala hi nkarhi wo karhi. Ematshan’weni ya sweswo, yinhla hi leswaku hi fanele hi papalata ku khomeka ngopfu hi swilo swa misava lerova hi n’wi bakanyela etlhelo Muvumbi wa hina.Eklesiasta 3:11; 12:1, 13.

Hi nga hanya nkarhi wo leha

Ku nga khathariseki leswi vumundzuku byi hi khomeleke swona, hi nga swi kota ku hanya nkarhi wo leha loko hi endla swiboho swa vutlhari. Bibele yi ri: “Nawu wa lowo tlhariha i xihlovo xa vutomi, leswaku wu kendlusa munhu entlhan’wini wa rifu.” (Swivuriso 13:14) Hilaha ku fanaka, Muxe u byele Vaisrayele leswaku va nga ‘hanya nkarhi wo leha’ loko va yingisa swileriso swa Xikwembu. (Deteronoma 6:2) Ku hambana ni sweswo, hi vusopfa hi nga komisa vutomi bya hina hi ku endla swiboho leswi nga riki swinene kumbe swa vuphukuphuku.Eklesiasta 7:17.

Ku nga khathariseki ndlela leyi hi tlhariheke ha yona kumbe ndlela leyi hi nga ni vuxiyaxiya ha yona, a hi nge ri balekeli rifu. (Varhoma 5:12) Kambe xiyimo lexi xi ta cinca, hikuva Bibele yi tshembisa nkarhi lowu ‘rifu ri nga ta va ri nga ha ri kona’Nhlavutelo 21:4.

DYONDZA SWO TALA

Hi Wihi Ntshembo Lowu Nga Kona Hi Lava Feke?

Ku humelela yini hi hina loko hi fa? Xana hi ta tlhela hi va vona varhandziwa va hina lava feke?

Hi Xihi Xikongomelo Xa Vutomi?

Xana u tshame u tivutisa leswaku, ‘Hi xihi xikongomelo xa vutomi?’ Dyondza ndlela leyi Bibele yi hlamulaka xivutiso xexo.