Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Mukreste A Nga Byi Amukela Vutshunguri?

Xana Mukreste A Nga Byi Amukela Vutshunguri?

Nhlamulo ya Bibele

Ina. Yesu u vule leswaku valandzeri vakwe va nga ha lava vutshunguri loko a ku: “Vanhu lava hanyeke a va lavi n’anga, kambe yi laviwa hi lava va vabyaka.” (Matewu 9:12) Hambileswi Bibele yi nga riki buku ya swa vutshunguri, yi ni milawu leyi kongomisaka vanhu lava lavaka ku tsakisa Xikwembu.

Swivutiso leswi u nga tivutisaka swona

1. Xana ndza ma twisisa matshungulelo lama ringanyetiwaka? Bibele yi hi khutaza leswaku hi lavisisa rungula leri tshembekaka ematshan’weni yo pfumela “rito rin’wana ni rin’wana.”—Swivuriso 14:15.

2. Xana ndzi fanele ndzi ya lava mavonelo ya madokodela man’wana ndzi nga si teka xiboho? Ku kuma “vatsundzuxi vo tala,” i swa nkoka ngopfu loko xiyimo xa wena xi tikile.—Swivuriso 15:22.

3. Xana matshungulelo ya kona ma lwisana ni nawu wa Bibele wa leswaku hi “papalata . . . ngati”?—Mintirho 15:20.

4. Xana ku tirhisiwa vungoma eka vutshunguri bya kona? Bibele yi sola “xiendlo xa vungoma.” (Vagalatiya 5:19-21) Leswaku u tiva loko vungoma byi tirhisiwa, anakanyisisa hi swivutiso leswi:

  • Xana dokodela wa kona wa byi tirhisa vungoma?

  • Xana vutshunguri bya kona byi fambisana ni ku kholwa leswaku mavabyi ma vangiwe hi ku hlundzukisa swikwembu kumbe ma vangiwe hi valoyi?

  • Xana mirhi ya vutshunguri yi lunghiseleriwe hi ku tirhisa switlhavelo, ku phahla kumbe mihivahivana yin’wana ya vungoma?

5. Xana ndzi karhateka ku tlula mpimo hi rihanyo ra mina? Bibele yi nyikela xitsundzuxo lexi: “Ku anakanyela ka n’wina a ku tiviwe hi vanhu hinkwavo.” (Vafilipiya 4:5) Ku ringanisela swi ta ku pfuna leswaku u dzikisa mianakanyo ya wena eka “swilo swa nkoka swinene,” swo tanihi ku tinyika nkarhi wo tirhela Yehovha.—Vafilipiya 1:10; Matewu 5:3.

 

DYONDZA SWO TALA

Xana Timbhoni Ta Yehovha Ta Byi Amukela Vutshunguri?

Timbhoni ta Yehovha ti amukela vutshunguri lebyi nga lwisaniki ni milawu ya Bibele.