Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

I Mani Mukaneti Wa Kreste?

I Mani Mukaneti Wa Kreste?

Nhlamulo ya Bibele

Mukaneti wa Kreste a hi munhu wo karhi kumbe ndhawu hikuva Bibele yi vula leswaku ku ni “vakaneti va Kreste vo tala.” (1 Yohane 2:18) Ematshan’weni ya sweswo, xiga lexi nge “mukaneti wa Kreste” xa Xigriki lexi vulaka “ku lwisana na Kreste,” xi kombetela eka munhu la endlaka leswi landzelaka:

Bibele yi tlhela yi kombetela eka hinkwavo lava endlaka swiendlo sweswo tanihi “mukaneti wa Kreste.” (2 Yohane 7) Mukaneti wa Kreste u sungule ku va kona eminkarhini ya vaapostola ku ta fikela ninamuntlha. Bibele yi profetile leswaku u ta va kona.—1 Yohane 4:3.

Ndlela leyi vakaneti va Kreste va vonakaka ha yona

  • Va dyondzisa mavunwa malunghana na Yesu. (Matewu 24:9, 11) Hi xikombiso, lava dyondzisaka dyondzo ya Vunharhu-un’we kumbe ya leswaku Yesu i Xikwembu xa Matimba Hinkwawo va kanetana ni leswi Yesu a swi vuleke, loko a ku: “Tatana u nkulu eka mina.”—Yohane 14:28.

  • Vakaneti va Kreste va kaneta leswi Yesu a swi vuleke malunghana ni ndlela leyi Mfumo wa Xikwembu wu fumaka ha yona. Hi xikombiso, varhangeri van’wana va vukhongeri va vula leswaku Kreste u tirhisa mimfumo ya vanhu. Kambe mhaka leyi yi lwisana ni leswi Yesu a swi vuleke loko a ku: “Mfumo wa mina a hi xiphemu xa misava leyi.”—Yohane 18:36.

  • Va vula leswaku Yesu i Hosi ya vona kambe a va swi yingisi swileriso swakwe leswi katsaka ku chumayela mahungu lamanene ya Mfumo.—Matewu 28:19, 20; Luka 6:46; Mintirho 10:42.

DYONDZA SWO TALA

SWIVUTISO LESWI HLAMURIWAKA HI BIBELE

Yi Vula Yini 666?

Bibele yi paluxa nhlamuselo ya nomboro ya 666 ni mfungho wa xivandzana.

XIHONDZO XO RINDZA

Mavunwa Ya Leswaku Xikwembu A Xi Twisiseki

Dyondzo ya Vunharhu-un’we kahle-kahle yi sivela vanhu leswaku va tiva Xikwembu ni ku xi rhandza. Xana hakunene u nga rhandza munhu loyi swi nga kotekiki ku n’wi tiva kumbe ku n’wi twisisa?