Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Xana Yesu U Pfuxiwe A Ri Ni Miri Wa Nyama Kumbe Wa Moya?

Xana Yesu U Pfuxiwe A Ri Ni Miri Wa Nyama Kumbe Wa Moya?

Nhlamulo ya Bibele

Bibele yi vula leswaku Yesu ‘u dlayiwe a ri wa nyama, kambe a hanyisiwa a ri wa moya.’1 Petro 3:18; Mintirho 13:34; 1 Vakorinto 15:45; 2 Vakorinto 5:16.

Marito ya Yesu ma kombise leswaku a a nga ta pfuxiwa a ri ni miri wa nyama. U vule leswaku a a ta nyikela ‘nyama yakwe hikwalaho ka vutomi bya misava,’ tanihi nkutsulo eka vanhu. (Yohane 6:51; Matewu 20:28) Loko a lo tlhela a pfuxiwa a ri ni miri wa nyama, nkutsulo a wu nga ta tirha. Kambe leswi a swi nga ta humelela, hikuva Bibele yi vula leswaku u nyikele hi nyama ni ngati yakwe “kan’we swi helela kwalaho.”—Vaheveru 9:11, 12.

Loko ku ri leswaku Yesu u pfuxiwe a ri ni miri wa moya, vadyondzisiwa vakwe va swi kotise ku yini ku n’wi vona?

  • Swivumbiwa swa moya swa swi kota ku hundzuka vanhu va nyama. Hi xikombiso, tintsumi leti endleke sweswo enkarhini lowu hundzeke ti tlhele ti dya ni ku nwa ni vanhu. (Genesa 18:1-8; 19:1-3) Hambiswiritano, a a ta ha ri swivumbiwa swa moya naswona a ti swi kota ku siya miri ya tona ya nyama.Vaavanyisi 13:15-21.

  • Endzhaku ka loko Yesu a pfuxiwile, u tlhele a va ni miri wa nyama swa xinkarhana, hilaha tintsumi ti endleke hakona enkarhini lowu hundzeke. Kambe tanihi xivumbiwa xa moya, a a swi kota ku humelela ni ku nyamalala hi ku hatlisa. (Luka 24:31; Yohane 20:19, 26) A a nga humeleli hi xivumbeko lexi fanaka minkarhi hinkwayo. Hambi ku ri vanghana vakwe lavakulu, va n’wi xiye ntsena hileswi a swi vuleke kumbe ku swi endla.Luka 24:30, 31, 35; Yohane 20:14-16; 21:6, 7.

  • Loko Yesu a humelela eka muapostola Tomasi, a a ri ni miri lowu nga ni swivati. U endle leswi leswaku a tiyisa ripfumelo ra Tomasi, tanihi leswi a nga tshembi leswaku Yesu u pfuxiwile.Yohane 20:24-29.

DYONDZA SWO TALA

Yesu Kreste I Mani?

Kuma leswaku ha yini Yesu a file. Leswi nkutsulo wu nga swona ni leswi Yesu a swi endlaka sweswi.

Hi Xihi Xikongomelo Xa Ku Vuya Ka Kreste?

Hi xihi xikongomelo xa ku vuya ka Kreste? Xana u ta vuya hi xivumbeko xa njhani naswona u ta endla yini?