Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Xana Bibele Yi Nga Ku Pfuna Loko U Ri Ni Swiphiqo Swa Timali Ni Swikweleti?

Xana Bibele Yi Nga Ku Pfuna Loko U Ri Ni Swiphiqo Swa Timali Ni Swikweleti?

Nhlamulo ya Bibele

Ina. Milawu ya mune leyi landzelaka ya le Bibeleni yi nga ku pfuna loko u ri ni swiphiqo swa timali ni swikweleti:

  1. Hlela ndlela leyi u nga ta tirhisa ha yona mali ya wena. Kunene makungu ya lava va gingiritekaka ma endla leswi pfunaka, kambe un’wana ni un’wana la hatlisaka ngopfu, hakunene u ta wela eku pfumaleni.” (Swivuriso 21:5) U nga tsutsumeli ku xava xilo hileswi xi nga le ka mbhukuto. Hlela ndlela leyi u nga ta yi tirhisa ha yona mali ya wena, kutani u yi namarhela.

  2. Papalata swikweleti leswi nga bohiki. Mulombi i nandza wa mulombisi.” (Swivuriso 22:7) Loko se u ri exikweletini naswona u nga swi koti ku xi hakela, ringeta ku vulavurisana ni lava ku lombeke mali malunghana ni ndlela leyinthswa leyi u nga hakelaka ha yona. Phikelela. Tirhisa ndzayo leyi ya le Bibeleni leyi tirhaka eka loyi hi vuphukuphuku a lombaka munhu mali ivi a amukela vutihlamuleri bya ku yi hakela: “Titsongahate kutani u karhata muakelani wa wena. U nga pfumeleli mahlo ya wena ma wisa kumbe ma pfaleka.” (Swivuriso 6:1-5, God’s Word Bible) Hambiloko xikombelo xa wena xo sungula xi nga humelelanga, phikelela u kombela ku hunguteriwa.

  3. U nga rhangisi mali. U nga vi na vutianakanyi kutani u tiyimisela ku fuwa—xiyimo xa wena xi ta hetelela xi nyanye ku tlula leswi u nga swi ehleketaka.” (Swivuriso 28:22, Contemporary English Version) Mavondzo ni makwanga a swi nge endli leswaku u va ni xiphiqo xa mali ntsena kambe swi nga endla leswaku u nga vi na wona nkarhi wa swilo swa moya.

  4. Eneriseka. Loko hi ri ni swakudya ni swifunengeto, hi ta eneriseka hi swilo leswi.” (1 Timotiya 6:8) Mali a yi nge endli leswaku munhu a tsaka kumbe a eneriseka. Van’wana va vanhu lava tsakeke swinene emisaveni a va na mali yo tala. Va rhandziwa hi mindyangu ya vona ni hi vanghana va vona naswona va ni vunghana ni Xikwembu.—Swivuriso 15:17; 1 Petro 5:6, 7.

 

DYONDZA SWO TALA

XIHONDZO XO RINDZA

Ku Hanya Hileswi Hi Nga Na Swona—Ndlela Leyi Hi Nga Swi Endlaka Ha Yona

Dyondza ndlela leyi milawu ya Bibele yi nga pfunaka ha yona leswaku u yi tirhisa kahle mali ya wena ni ku papalata swikweleti leswi nga bohiki.