Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Hi Swihi Swivangelo Swimbirhi Leswi Endlaka Xikwembu Xi Nga Yingisi Swikhongelo Swin’wana?

Hi Swihi Swivangelo Swimbirhi Leswi Endlaka Xikwembu Xi Nga Yingisi Swikhongelo Swin’wana?

Nhlamulo ya Bibele

Ku ni swikhongelo swin’wana leswi Xikwembu xi nga swi yingisiki. Xiya swivangelo swimbirhi.

1. Loko xi nga fambisani ni ku rhandza ka Xikwembu

Xikwembu a xi swi hlamuli swikombelo leswi lwisanaka ni ku rhandza ka xona kumbe milawu ya xona leyi tsariweke eBibeleni. (1 Yohane 5:14) Hi xikombiso, Bibele yi lava leswaku hi papalata ku va ni makwanga. Ku gembula ku hlohlotela makwanga. (1 Vakorinto 6:9, 10) Hikokwalaho, Xikwembu a xi nge ku hlamuli loko wo kombela leswaku xi ku pfuna u wina mubejo kumbe lotto. Xikwembu a hi munhu loyi u nga n’wi rhumaka leswaku a a ku endlela xin’wana ni xin’wana lexi u xi lavaka. Kahle-kahle u fanele u xi nkhensa hikwalaho ka sweswo. Hikuva loko a swi nga ri tano, a hi ta chava hikwalaho ka leswi vanhu van’wana a va ta xi kombela leswaku xi swi endla.—Yakobo 4:3.

2. Loko loyi a khongelaka a xandzuka

Xikwembu a xi xi yingisi xikhongelo xa lava va hlawulaka ku nga xi yingisi hi vomu. Hi xikombiso, lava a vula leswaku va xi gandzela kambe va hanya hi ndlela leyi kombisaka leswaku a va nga xi yingisi, Xikwembu xi va byele leswi: “Hambiloko mi endla swikhongelo swo tala, a ndzi yingisi; mavoko ya n’wina ma tele ku halata ngati.” (Esaya 1:15) Kambe loko a va cince ndlela leyi a va hanya ha yona naswona va ‘lulamisa timhaka’ ni Xikwembu, a xi ta va xi yingise swikhongelo swa vona.—Esaya 1:18.

 

DYONDZA SWO TALA

Ha Yini Xikwembu Xi Nga Swi Hlamuli Swikhongelo Swin’wana?

Tanihi tatana la nga ni rirhandzu, Xikwembu xi amukela swikhongelo swa hina. Xana Xikwembu xi ta hi nyika hinkwaswo leswi hi swi kombelaka?