Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ndzi Nga Tisirhelela Njhani Loko Ndzi Xanisiwa Hi Timhaka Ta Masangu?

Ndzi Nga Tisirhelela Njhani Loko Ndzi Xanisiwa Hi Timhaka Ta Masangu?

Nhlamulo ya Bibele

Kambisisa swiringanyeto leswi pfunaka leswi sekeriweke eka vutlhari lebyi humaka eBibeleni:

  1. Ringanisela eka vunghana. Vana ni xinghana naswona u xixima vatirhi-kuloni kambe papalata ku ntshunxeka ngopfu hi ndlela leyi kombisaka leswaku u ta swi tsakela loko va ku khoma hi ndlela leyi kombisaka ku navela timhaka ta masangu.—Matewu 10:16; Vakolosa 4:6.

  2. Ambala hi ndlela leyi xiximekaka. Ku ambala swiambalo leswi pfuxaka ku navela ka timhaka ta masangu, swi endla leswaku vanhu va ku languta hi tihlo rin’wana. Bibele yi khutaza maambalelo lama kombisaka “xichavo ni mianakanyo yo hluteka.”—1 Timotiya 2:9.

  3. Hlawula vanghana va wena hi vutlhari. Loko u tshama u ri ni vanhu lava rhandzaka ku tlanga hi rirhandzu kumbe ku tlanga hi ndlela leyi kombaka ku navela timhaka ta masangu, na wena u ta khomiwa hi ndlela leyi fanaka.—Swivuriso 13:20.

  4. Fambela ekule ni mavulavulelo ya nhlambha. Suka u famba loko bulo ri sungula ku va ni “switori leswi thyakeke, mavulavulelo ya vuphukuphuku kumbe mafenya lama thyakeke.”Vaefesa 5:4, God’s Word Bible.

  5. Papalata swiyimo leswi ringaka. Hi xikombiso, tivonele loko mutirhi-kuloni a ku kombela leswaku mi sala entirhweni endzhaku ka loko ku chayisiwile handle ko ku nyika xivangelo lexi twalaka.—Swivuriso 22:3.

  6. Vana ni xivindzi naswona u nga jikajiki. Loko u xanisiwa hi timhaka ta masangu, namba u n’wi byela hi ku kongoma loyi a ku xanisaka leswaku leswi a swi endlaka a wu swi lavi. (1 Vakorinto 14:9) Hi xikombiso, u nga ha ku: “Mhaka leyi ya wena yo tshamela ku ndzi khoma-khoma, a yi ndzi tsakisi. Ndzi kombela u yi tshika.” U nga ha n’wi tsalela papila loyi a ku xaniseka, u n’wi hlamusela leswi humeleleke, ndlela leyi u titweke ha yona ni leswi u lavaka leswaku a swi endla enkarhini lowu taka. Swi veke erivaleni leswaku xiboho xa wena xi sekeriwe eka mahanyelo ni le ka tidyondzo ta wena ta vukhongeri.—1 Vatesalonika 4:3-5.

  7. Kuma mpfuno. Loko u hambeta u xanisiwa hi timhaka ta masangu, tiphofule eka munghana wa wena loyi u n’wi tshembeka, xirho xa ndyangu, mutirhi-kuloni kumbe munhu loyi a nga ni ntokoto wo pfuna vanhu lava xanisiwaka hi timhaka ta masangu. (Swivuriso 27:9) Vanhu vo tala lava xanisiwaka hi timhaka ta masangu, va pfuniwe hi xikhongelo. Hambiloko u nga si tshama u khongela evuton’wini bya wena, u nga wu tekeli ehansi mpfuno lowu Yehovha, “Xikwembu xa nchavelelo hinkwawo,” a nga ku nyikaka wona.—2 Vakorinto 1:3.

Ku xanisiwa hi timhaka ta masangu swi dyisa vanhu va timiliyoni mbitsi entirhweni, kambe Bibele yi nga pfuna.

 

DYONDZA SWO TALA

Ndzi Nga Langutana Njhani Ni Ku Xanisiwa Hi Timhaka Ta Masangu?

Dyondza leswaku ku xanisiwa hi timhaka ta masangu i yini naswona u nga endla yini loko u langutane na kona.

Swiphiqo Leswi Tiyiseleriwaka Hi Vavasati

Emisaveni hinkwayo, madzolonga, ni ku languteriwa ehansi ka vavasati swi khumba vavasati vutomi hinkwabyo. Ha yini?