Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

I Yini Leswi Nga Ku Pfunaka Ku Twisisa Bibele?

I Yini Leswi Nga Ku Pfunaka Ku Twisisa Bibele?

Nhlamulo ya Bibele

Bibele hi yoxe yi hlamusela swilo swo tala leswi u nga swi endlaka leswaku u yi twisisa. Ku nga khathariseki leswaku u dyondzekile kumbe a wu dyondzekanga, rungula ra Xikwembu leri nga eBibeleni a ri “nonon’hwi ngopfu eka wena, hambi ku ri ku va ekule swinene.”—Deteronoma 30:11.

Leswi nga ku pfunaka ku twisisa Bibele

  1. Vana ni langutelo lerinene. Teka Bibele tanihi Rito ra Xikwembu. Titsongahate hikuva Xikwembu xi venga lava titlakusaka. (1 Vatesalonika 2:13; Yakobo 4:6) Hambiswiritano, papalata ku pfumela xin’wana ni xin’wana hikuva Xikwembu xi lava leswaku u tirhisa “matimba ya [wena] ya ku anakanya.”—Varhoma 12:1, 2.

  2. Khongelela vutlharhi. Eka Swivuriso 3:5 Bibele yi ri: “U nga titshegi hi ku twisisa ka wena n’wini.” Ematshan’weni ya sweswo, ‘hambeta u kombela’ vutlharhi eka Xikwembu leswaku u twisisa Bibele.—Yakobo 1:5.

  3. Yi hlaye siku ni siku. U ta vuyeriwa swinene loko u hlaya Bibele siku ni siku ematshan’weni yo yi hlaya hi xiwelo.—Yoxuwa 1:8.

  4. Yi dyondze hi ku ya hi nhloko-mhaka. Ku dyondza Bibele hi ku ya hi nhloko-mhaka i ndlela leyinene yo dyondza leswi Matsalwa ma swi dyondzisaka. Rhanga hi “tidyondzo leto sungula” ivi “u ya emahlweni u dyondza tidyondzo leti dzikeke.” (Vaheveru 6:1, 2, Easy-to-Read Version) U ta kuma leswaku u nga swi kota ku pimanisa matsalwa ni ku dyondza leswaku matsalwa yo hambana-hambana ya Bibele ma hlamuselana, hambi ku ri lama “nonon’hwaka ku [ma] twisisa.”—2 Petro 3:16.

  5. Kombela mpfuno. Bibele yi hi khutaza ku kombela mpfuno eka vanhu lava yi twisisaka kahle Bibele. (Mintirho 8:30, 31) Timbhoni ta Yehovha ti dyondza Bibele ni vanhu mahala. Ku fana ni Vakreste vo sungula, ti tirhisa Matsalwa ku pfuna vanhu leswaku va twisisa leswi Bibele yi swi dyondzisaka hakunene.Mintirho 17:2, 3.

Swilo leswi nga bohiki leswaku u va na swona

  1. Mabyongo kumbe dyondzo leyi tlakukeke. Vaapostola va 12 va Yesu a va ma twisisa Matsalwa naswona va ma dyondzise van’wana hambileswi a va tekiwa tanihi vanhu lava nga “dyondzekangiki [ni] lava tolovelekeke.”—Mintirho 4:13.

  2. Mali. U nga dyondza leswi Bibele yi swi dyondzisaka mahala. Yesu u byele vadyondzisiwa vakwe a ku: “Mi amukele mahala, nyikani mahala.”—Matewu 10:8.

 

DYONDZA SWO TALA

Ha Yini U Fanele U Dyondza Bibele?

Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?

Bibele I Buku Leyi Humaka Eka Xikwembu

Xana Bibele yi nga ku pfuna njhani leswaku u langutana ni swiphiqo swa wena? Ha yini u tshemba vuprofeta bya yona?

Ku Kuma Mpfuno Wo Twisisa Bibele

Loko Bibele yi endleriwe leswaku yi twisisiwa, ha yini u fanele u pfuniwa leswaku u yi twisisa?