Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

I Mavito Ya Vamani Lama Tsariweke “Ebukwini Ya Vutomi”?

I Mavito Ya Vamani Lama Tsariweke “Ebukwini Ya Vutomi”?

Nhlamulo ya Bibele

‘Buku ya vutomi’ leyi nakambe yi vuriwaka “buku-nsongwa ya vutomi” kumbe “buku ya xitsundzuxo,” yi ni mavito ya vanhu lava nga ta kuma vutomi lebyi nga heriki. (Nhlavutelo 3:5; 20:12; Malakiya 3:16) Xikwembu hi xona xi tsalaka mavito wolawo hi ku ya hi vutshembeki bya munhu eka xona.Yohane 3:16; 1 Yohane 5:3.

“Hi mpfhuka misava yi va kona,” Xikwembu xi hambeta xi hlayisa malandza ya xona yo tshembeka emianakanyweni ya xona onge hiloko xi tsala mavito ya wona ebukwini. (Nhlavutelo 17:8) Swi tikomba onge wanuna wo tshembeka Avele hi yena wo sungula ku tsariwa ebukwini ya vutomi. (Vaheveru 11:4) Hambiswiritano, a ko va ni nxaxamelo wa mavito hikuva buku ya vutomi yi kombisa leswaku Yehovha i Xikwembu xa rirhandzu lexi ‘tivaka lava nga va xona.’—2 Timotiya 2:19; 1 Yohane 4:8.

Xana mavito ma nga suriwa “ebukwini ya vutomi”?

Ina. Xikwembu xi vule leswi malunghana ni vanhu lava nga yingisiki va le Israyele wa khale: “Mani na mani la ndzi dyoheleke ndzi ta n’wi sula ebukwini ya mina.” (Eksoda 32:33) Loko hi hambeta hi tshembeka, mavito ya hina ma ta tshama ma tsariwile eka “buku-nsongwa ya vutomi.”—Nhlavutelo 20:12.

 

DYONDZA SWO TALA

Xana Vutomi Bya Mina Byi Ni Xikongomelo?

Vanhu vo tala va anakanya leswaku mali ni ndhuma hi swona swo sungula evuton’wini, kambe ku ni swin’wana leswi tlulaka sweswo.

“Mfumo Wa Wena A Wu Te”—Vuprofeta Bya Bibele Lebyi Pakanisaka, Xiyenge 8

I yini Mfumo lowu vanhu vo tala va wu khongelelaka naswona ku ta ka wona swi vula yini eka wena?