Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Buku Ya Nhlavutelo Yi Vula Yini?

Buku Ya Nhlavutelo Yi Vula Yini?

Nhlamulo ya Bibele

Vito ra buku ya Bibele ya Nhlavutelo leri hi Xigriki ku nga A·po·ka′ly·psis (apokalipsi) ri vula “Ku paluxa” kumbe “Ku humesela erivaleni.” Vito leri ri hlamusela leswi buku ya Nhlavutelo yi vulavulaka ha swona—yi paluxa timhaka ni swiendlakalo leswi a swi ta endleka endzhaku ka nkarhi wo leha yi tsariwile. Vuprofeta byo tala bya yona bya ha ta hetiseka.

Nkatsakanyo wa buku ya Nhlavutelo

Leswi nga ku pfunaka ku twisisa buku ya Nhlavutelo

  1. Nhlamuselo ya yona ya tsakisa, a yi va chavisi vanhu lava tirhelaka Xikwembu. Vanhu vo tala va ehleketa leswaku “apokalipsi” i ndzoviso lowukulu, kambe buku ya Nhlavutelo yi sungula yi tlhela yi gimeta hi ku vula leswaku lava va yi hlayaka, va yi twisisa va tlhela va hanya hi ku pfumelelana ni rungula ra yona va ta tsaka.—Nhlavutelo 1:3; 22:7.

  2. Nhlavutelo yi tirhisa “swikombiso” kumbe swifanekiselo leswi nga fanelangiki swi tekiwa hi ndlela ya xiviri.—Nhlavutelo 1:1.

  3. Vanhu lava ku vulavuriwaka ngopfu ha vona ni swifanekiselo leswi nga ebukwini ya Nhlavutelo ku vulavuriweke ha swona etibukwini letin’wana ta Bibele:

  4. Swivono swi fambisana ni ‘siku ra Hosi,’ leri sunguleke loko Mfumo wa Xikwembu wu simekiwa hi 1914 niloko Yesu a sungula ku fuma tanihi Hosi. (Nhlavutelo 1:10) Hikwalaho hi nga langutela ku hetiseka lokukulu ka Nhlavutelo enkarhini wa hina.

  5. Leswaku hi twisisa buku ya Nhlavutelo, hi lava swilo leswi fanaka ni leswi hi pfunaka ku twisisa Bibele hinkwayo, leswi katsaka vutlhari lebyi humaka eka Xikwembu ni mpfuno wa lava se va yi twisisaka.—Mintirho 8:26-39; Yakobo 1:5.

DYONDZA SWO TALA

Xana U Fanele U Chava Ku Hela Ka Misava?

Swi nga ha ku hlamarisa leswi Bibele yi swi vulaka malunghana ni ku hela ka misava.

I Yini Leswi Nga Ku Pfunaka Ku Twisisa Bibele?

Ku nga khathariseki leswaku u dyondzekile kumbe a wu dyondzekanga, u nga swi kota ku twisisa rungula ra Xikwembu leri nga eka Matsalwa yo Kwetsima.