Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Bibele Yi Ri Yini Hi Vusodoma?

Bibele Yi Ri Yini Hi Vusodoma?

Nhlamulo ya Bibele

Xikwembu xi vumbe wanuna ni wansati leswaku va endla timhaka ta masangu ntsena loko va tekanile. (Genesa 1:27, 28; Levhitika 18:22; Swivuriso 5:18, 19) Bibele ya swi sola ku va wanuna ni wansati lava nga tekanangiki va endla timhaka ta masangu, hambi ku ri vusodoma. (1 Vakorinto 6:18) Leswi swi katsa ku tlangisa swirho swa rimbewu swa un’wana, rimbewu ra nomu kumbe ra hala mahosi.

Hambileswi Bibele yi nga swi pfumeleliki swiendlo swa vusodoma kambe a yi khutazi ku venga vasodoma. Ematshan’weni ya sweswo, Vakreste va khutaziwa ku “xixima vanhu hinkwavo.”—1 Petro 2:17. Good News Translation.

Xana munhu a nga velekiwa a ri musodoma?

Bibele a yi vulavuli hi ku kongoma hi ntivo-vutomi wa ku navela vusodoma kambe yi vula leswaku hinkwerhu hi velekiwe hi ri ni mboyamelo wo endla swilo leswi nga amukelekiki eka Xikwembu. (Varhoma 7:21-25) Kambe ematshan’weni ya ku va Bibele yi dzika eka leswi vangaka ku navela ka vusodoma, a yi swi pfumeleli swiendlo swa vusodoma.

Ndlela yo tsakisa Xikwembu hambiloko u ri ni ku navela ka vusodoma.

Bibele yi ri: “U nga lawuriwi hi miri wa wena. Dlaya ku navela kun’wana ni kun’wana ko biha ka timhaka ta masangu.” (Vakolosa 3:5, Contemporary English Version) Leswaku u dlaya ku navela ko biha loku ku susumetelaka ku endla swo biha, u fanele u lawula mianakanyo ya wena. Loko u tshamela ku tata mianakanyo ya wena hi leswinene, u nga swi kota ku bakanya ku navela ko biha. (Vafilipiya 4:8; Yakobo 1:14, 15) Swi nga ha ku tikela swinene eku sunguleni kambe u nga swi kota. Xikwembu xi tshembisa leswaku xi ta ku pfuna u ‘endliwa u va lontshwa ematimbeni lama susumetaka mianakanyo ya wena.’—Vaefesa 4:22-24.

Vanhu va timiliyoni lava navelaka ku endla timhaka ta masangu va nga tekananga kambe va lava ku landzela milawu ya Bibele, na vona va langutana ni ntlhontlho lowu fanaka. Hi xikombiso, lava nga si nghenelaka vukati kumbe lava byi ngheneleke kambe munghana loyi va tekaneke na yena a nga swi koti ku endla timhaka ta masangu, va hlawula ku lawula ku navela ka vona ku nga khathariseki miringo leyi va nga ha langutanaka na yona. Va swi kota ku tshama va tsakile naswona lava nga ni ku navela ka vusodoma na vona va nga endla hilaha ku fanaka loko hakunene va lava ku tsakisa Xikwembu.—Deteronoma 30:19.

 

DYONDZA SWO TALA

XALAMUKA!

Xana Ndzi Nga Ri Hlamusela Njhani Langutelo Ra Bibele Hi Vusodoma?

Loko munhu un’wana a ku vutisa hi mhaka leyi, u nga n’wi hlamula njhani?

SWITOLOVETO SWA TIMHAKA TA BIBELE

Ndlela Yo Lwisana Ni Miringo

Loko Yosefa a ringiwa leswaku a tikhoma hi ndlela yo biha, i yini lexi n’wi susumeteleke ku endla leswinene?