Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Bibele Yi Ri Yini Hi Swifaniso Swo Navetisa Rimbewu? Xana Ku Vulavurisana Hi Timhaka Ta Masangu Eka Internet Swi Hoxile?

Bibele Yi Ri Yini Hi Swifaniso Swo Navetisa Rimbewu? Xana Ku Vulavurisana Hi Timhaka Ta Masangu Eka Internet Swi Hoxile?

Nhlamulo ya Bibele

Bibele a yi vulavuli hi ku kongoma hi swifaniso swo navetisa rimbewu, ku vulavurisana hi timhaka ta masangu eka Internet kumbe swin’wana swo yelana ni sweswo. Kambe Bibele yi yi veka erivaleni ndlela leyi Xikwembu xi titwaka ha yona hi swiendlo leswi khutazaka ku hlanganyela timhaka ta masangu ni munhu loyi u nga tekanangiki na yena kumbe langutelo leri hoxeke hi timhaka ta masangu. Xiya tindzimana leti ta le Bibeleni:

  • “Hikokwalaho, dlayani swirho swa miri wa n’wina leswi nga emisaveni malunghana ni vumbhisa, thyaka, ku navela ka vuxaka bya rimbewu.” (Vakolosa 3:5) Ku hlalela swifaniso swa navetisa rimbewu a swi dlayi ku navela loku hoxeke kambe swi endla ku nyanya. Swi endla munhu a va la thyakeke emahlweni ka Xikwembu.

  • “Un’wana ni un’wana la tshamelaka ku languta wansati lerova a n’wi navela, ana se u endle vuoswi na yena embilwini yakwe.” (Matewu 5:28) Swifaniso swa mikhuva ya vudlakuta swi vanga miehleketo yo biha leyi vangaka swiendlo swo biha.

  • “Vumbhisa ni thyaka ra muxaka wun’wana ni wun’wana kumbe makwanga swi nga vuriwi hambi ku ri ku vuriwa exikarhi ka n’wina.” (Vaefesa 5:3) A hi fanelanga hambi ku ri ku tlanga hi ku vulavula hi ku tikhoma ko biha ka rimbewu, ku hlalela kumbe ku hlaya hi byona.

  • “Kutani mintirho ya nyama ya vonaka, yona i vumbhisa, thyaka, . . . ni swilo swo fana ni sweswo. Malunghana ni swilo leswi ndza mi lemukisa, hilaha ndzi mi lemukiseke hakona, leswaku lava hanyaka hi swilo swo tano a va nge dyi ndzhaka ya mfumo wa Xikwembu.” (Vagalatiya 5:19-21) Vanhu lava hlalelaka swifaniso swo navetisa rimbewu kumbe va katseka eka ku vulavurisana hi timhaka ta masangu eka Internet, hi selfoni kumbe hi ku rhumelana swifaniso, va thyakile emahlweni ka Xikwembu. Loko hi endla mikhuva yoleyo a hi nge amukeleki eka Xikwembu.

 

DYONDZA SWO TALA

Vukhongeri Lebyi Amukelekaka Eka Xikwembu Byi Dyondzisa Vanhu Leswaku Va Hanya Hi Milawu Ya Le Bibeleni Ya Mahanyelo

Twana leswi Bibele yi swi dyondzisaka etimhakeni ta vukati, ku dlaya vukati ni ku tikhoma loko biha hi tlhelo ra rimbewu.

Ndzi Nga Byi Kuma Kwihi Vuhungasi Lebyinene?

Hi swihi swilo leswi swi faneleke swi kambisisiwa loko ku nga si hlawuriwa vuyimbeleri, tifilimi ni tibuku?