Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

VANTSHWA VA VUTISA

Ndzi Nga Vulavurisana Njhani Ni Vatswari Va Mina Hi Milawu Leyi Va Yi Vekaka?

Ndzi Nga Vulavurisana Njhani Ni Vatswari Va Mina Hi Milawu Leyi Va Yi Vekaka?

Leswi u swi lavaka: Vuswikoti byo vulavurisana

Ku vulavurisana ni van’wana i swa nkoka hikuva swi endla leswaku

  • va ku twisisa.

  • u twisisa leswaku ha yini u nga wu kumi nchumu lowu u wu kombelaka.

Kutani, loko u lava ku khomiwa tanihi munhu lonkulu, u fanele ku dyondza ku vulavula tanihi munhu lonkulu. U nga swi endlisa ku yini?

Dyondza ku lawula ndlela leyi u titwaka ha yona. Leswaku u va ni bulo lerinene ni van’wana swi lava leswaku u tikhoma. Bibele yi ri: “Xihunguki xi humesa moya wa xona hinkwawo, kambe lowo tlhariha u tshama a rhulile ku fika emakumu.”—Swivuriso 29:11.

Yinhla hi yihi? Papalata ku gungula, ku tsuva ni ku tlakusa mavoko hi ku hlundzuka onge u xihlangi. Sweswo swi ta endla leswaku u vekeriwa milawu leyi engetelekeke.

Ringeta ku vona swilo hi ndlela leyi vatswari va wena va swi vonaka ha yona. Hi xikombiso: a hi nge vatswari va wena a va swi lavi leswaku u ya enkhubyeni wo karhi. Ematshan’weni yo holovisana na vona, u nga ha ku:

“Xana mi nga pfumela loko ndzo famba ni munghana wa mina la tshembekaka?”

Swi nga endleka leswaku vatswari va wena va nga pfumeli. Kambe, loko u twisisa leswaku ha yini va nga pfumeli, u nga kota ku ringanyeta ku ya endhawini yin’wana.

Ku yingisa milawu ya vatswari va wena swi fana ni ku hakela xikweleti ebangi—loko u hakela swi ta endla leswaku va ku tshemba ngopfu.

Endla leswaku vatswari va wena va ku tshemba. Anakanya hi munhu la kolotaka mali ebangi. Loko a hakela hilaha a tshembiseke hakona, bangi yi ta n’wi tshemba yi tlhela yi pfumela ku n’wi lomba mali enkarhini lowu taka.

Swi tano ni le kaya. U fanele u yingisa vatswari. Kambe, loko u nga va yingisi, u nga hlamali loko va tshamela ku ku vekela milawu.

Loko u va yingisa—hambi ku ri eka swilo leswitsongo—va ta ku tshemba enkarhini lowu taka.

 

DYONDZA SWO TALA

Swivutiso Leswi Vantshwa Va Swi Vutisaka, Vholumo 1

Mhaka ya byala ni swidzidziharisi, ku tikhoma lokunene hi tlhelo ra rimbewu ni ku rhandzana, swi katsiwile.