Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ndzi Nga Endla Yini Leswaku Vatswari Va Mina Va Ndzi Tshemba?

Ndzi Nga Endla Yini Leswaku Vatswari Va Mina Va Ndzi Tshemba?

Leswi u nga swi endlaka

Xiya: Xana mahanyelo ya wena hi wona ma endlaka leswaku vatswari va wena va nga ku tshembi?

Hi xikombiso, muapostola Pawulo u tsarile: “Hi [navela] ku tikhoma hi ku tshembeka eka swilo hinkwaswo.” (Vaheveru 13:18) Tivutise, ‘Xana vatswari va mina va ndzi tiva hi ku tshembeka loko swi ta emhakeni yo va byela lomu ndzi yaka kona ni leswi ndzi swi endlaka?’

Hlawula vito ra munhu eka lama nga laha hansi leswaku u twa hi ta ntokoto wakwe.

 Lori  Beverly

 Lori

A ndzi hamba ndzi tsalela mufana loyi a ndzi n’wi rhandza ti-e-mail exihundleni. Vatswari va mina va yi kumile mhaka yoleyo hiloko va ndzi byela leswaku ndzi tshika ku n’wi tsalela. Ndzi va tshembise leswaku ndzi ta tshika, kambe a ndzi tshikanga. Ndzi hambete ndzi n’wi tsalela ku ringana lembe. A ndzi ta n’wi tsalela, ivi vatswari va mina va swi kuma, ndzi kombela ku rivaleriwa naswona ndzi va tshembisa leswaku ndzi ta tshika, kambe a ndzi ta tlhela ndzi n’wi tsalela. Swi fike laha vatswari va mina a va nga ha ndzi tshembi nikatsongo.”

U ehleketa leswaku i yini lexi endleke leswaku vatswari va Lori va nga ha n’wi tshembi?

Loko a wu ri mutswari wa Lori, xana a wu ta va u endle yini naswona ha yini?

Lori a a fanele a endle yini ku kombisa leswaku u wupfile endzhaku ka loko vatswari va yena va vulavule na yena ro sungula hi xiphiqo xexo?

 Beverly

Vatswari va mina a va nga ndzi tshembi loko swi ta emhakeni ya vafana, kambe sweswi se ndza swi twisisa leswaku ha yini. A ndzi tlanga hi mintlhaveko ya vafana vo hlayanyana lava a va ri vakulu eka mina hi malembe mambirhi. Nakambe a ndzi heta tiawara to tala ndzi vulavula na vona hi riqingho naswona minkarhi yo tala a ndzi vulavula na vona ntsena loko hi ri eswinkhubyanini. Vatswari va mina va ndzi tekele selfoni ya mina ku ringana n’hweti naswona a va nga ndzi pfumeleli ndzi ya etindhawini leti vafana volavo a va ta kona eka tona.

Loko a wu ri mutswari wa Beverly, xana a wu ta va u endle yini naswona ha yini?

Xana u ehleketa leswaku swipimelo leswi vatswari va Beverly va n’wi vekeleke swona a swi nga twali? Loko swi ri tano, ha yini?

I yini leswi Beverly a a fanele a swi endlile leswaku vatswari va yena va tlhela va n’wi tshemba?

Ku Tlhela U Tshembiwa

Leswi u nga swi endlaka

Ku suka evuntshweni ku ya evuntswatsini swi fana ni switepisi leswi u swi khandziyaka ha xin’we-xin’we emalembeni hinkwawo ya kondlo-a-ndzi-dyi

Xo Sungula, kumisisa ndhawu leyi vatswari va wena va nga ha ku tshembiki eka yona.

  • Ku vuya ekaya hi nkarhi

  • Ku hetisisa switshembiso swa mina

  • Ku khoma nkarhi

  • Ku tirhisa mali hi vutlhari

  • Ku heta mintirho ya le kaya

  • Ku pfuka handle ko pfuxiwa

  • Ku hlayisa kamara ra mina ri tshama ri basile

  • Ku vulavula ntiyiso

  • Ku tirhisa selfoni kumbe khompyuta hi ku ringanisela

  • Ku pfumela swihoxo ni ku kombela ku rivaleriwa

  • Swin’wana

Xa Vumbirhi, tiendlele xiboho. Tivekele pakani ya ku tikombisa u ri la tshembekaka eka leswi u swi kombiseke. Yingisa xitsundzuxo xa Bibele lexi nge: “Mi cukumeta vumunhu bya khale lebyi fambisanaka ni ndlela ya n’wina yo sungula ya ku tikhoma.” (Vaefesa 4:22) Hi ku famba ka nkarhi, hinkwavo ku katsa ni vatswari va wena va ta vona nhluvuko wa wena.—1 Timotiya 4:15.

Xa Vunharhu, vulavula ni vatswari va wena hi xiboho lexi u xi tekeke. Ematshan’weni yo va gungulela leswaku va fanele va ku tshemba swinene, va vutise hi xichavo leswaku i yini leswi va ehleketaka leswaku u fanele u swi endla leswaku va ku tshemba.

Xilemukiso: U nga languteli leswaku vatswari va wena va ku tshemba hi ku hatlisa. A swi kanakanisi leswaku va ta lava ku tiyiseka leswaku wa swi hetisisa switshembiso swa wena. Tirhisa nkarhi wolowo ku kombisa leswaku wa tshembeka. Hi ku famba ka nkarhi, vatswari va wena va nga ha ku tshemba swinene ni ku ku nyika ntshunxeko lowukulu. Swi ve tano eka Beverly loyi a tshahiweke eku sunguleni ka xihloko lexi. U ri: “Swa tika swinene ku tlhela u tshembiwa ku tlula ku tionhela ku tshembeka ka wena.” U tlhele a ku: “Vatswari va mina se va ndzi tshemba naswona swa ndzi tsakisa!”

Mhaka ya nkoka: Loko u ya u tshembeka, vatswari va wena va ya va ku tshemba swinene