Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

VANTSHWA VA VUTISA

Xana Swilo Swi Lo Tumbuluxiwa Kumbe Swi Lo Tiendlekela?—Xiyenge 4: Xana Ndzi Nga Ku Hlamusela Njhani Ku Pfumela Ka Mina Eka Ku Tumbuluxiwa Ka Swilo?

Xana Swilo Swi Lo Tumbuluxiwa Kumbe Swi Lo Tiendlekela?—Xiyenge 4: Xana Ndzi Nga Ku Hlamusela Njhani Ku Pfumela Ka Mina Eka Ku Tumbuluxiwa Ka Swilo?

U pfumela eka ku tumbuluxiwa ka swilo kambe wa chava ku swi vula exikolweni. Kumbexana tibuku leti u ti tirhisaka ti seketela mhaka ya ku tiendlekela ka swilo naswona u chava leswaku u nga hlekuriwa hi vadyondzisi ni vadyondzikuloni. U nga vulavula njhani handle ko chava hi ku pfumela ka wena eka ntumbuluko?

 U nga swi kota!

U nga ha ehleketa: ‘A ndzi na ntokoto wo tala lowu nga ndzi pfunaka ku hlamusela sayense ni ku kaneta ku tiendlekela ka swilo.’ Hileswi Danielle a titwisa xiswona nkarhi wun’wana. U tlhele a ku: “A ndzi nga swi lavi ku lwisana ni vadyondzisi va mina swin’we ni vadyondzikuloni.” Diana na yena u yime na mhaka leyi, a ku: “A a ndzi pfilunganyekile loko va ndzi kaneta hi ku tirhisa marito ya van’wasayense.”

Hambiswiritano, xikongomelo xa wena a hi ku hlula loko u kanetana ni vanhu. Lexi tsakisaka hileswaku a swi lavi u tiva ngopfu sayense leswaku u kota ku hlamusela leswaku ha yini u teka ku tumbuluxiwa ka swilo ku ri nhlamuselo ya kahle.

Xitsundzuxo: Tirhisa nhlamuselo yo olova leyi kumekaka eBibeleni eka Vaheveru 3:4: “Ina, yindlu yin’wana ni yin’wana yi akiwa hi munhu, kambe loyi a akeke swilo hinkwaswo i Xikwembu.”

Nhwanyana un’wana la vuriwaka Carol u hlamusele tsalwa ra Vaheveru 3:4 hi ndlela leyi: “Ehleketa u ri karhi u famba ekhwatini. A ku na vumbhoni bya leswaku ku tshama vanhu endhawini yoleyo. U languta ehansi kutani u vona ximhandzana xo basisa meno ha xona. A wu ta hetelela u ku yini? Vanhu vo tala va nga ha ku, ‘A ku ri ni munhu un’wana laha.’ Loko xilo lexitsongo xo fana ni ximhandzana xo basisa meno xi kombisa leswaku xi endliwe hi munhu wo tlhariha, vuako hinkwabyo ni swilo hinkwaswo leswi nga eka byona swi kombisa leswaku swi lo tumbuluxiwa!”

Loko munhu a ku: “Loko mhaka ya ku tumbuluxiwa ka swilo ku ri ntiyiso, kutani i mani loyi a vumbeke Muvumbi?”

U nga ha ku: “Hambileswi hi nga twisisiki swilo hinkwaswo hi Muvumbi a swi vuli leswaku a nga kona. Hi xikombiso, swi nga endleka u nga tivi matimu ya munhu loyi a endleke selfoni ya wena kambe wa tshemba leswaku yi endliwe hi munhu, a hi swona? [Yimela nhlamulo.] Ku ni swo tala leswi hi nga swi tivaka hi Muvumbi. Loko u lava ku tiva swo tala, ndzi nga tsakela ku ku hlamusela leswi ndzi swi dyondzeke hi yena.”

 Lungheka

Bibele yi vula leswaku u fanele u ‘lunghekela ku tihlamulela emahlweni ka mani na mani la lavaka ku tiva hi ta ntshembo lowu u nga na wona, kambe u swi endla hi moya wo rhula ni xichavo lexi enteke.’ (1 Petro 3:15) Kutani, xiya swilo swimbirhi—leswi u swi vulaka ni ndlela leyi u swi vulaka ha yona.

  1. Leswi u swi vulaka. Ndlela leyi u rhandzaka Xikwembu ha yona i ya nkoka naswona yi nga ku pfuna leswaku u vulavula hi xona. Kambe ku byela van’wana hi ndlela leyi u xi rhandzaka ha yona a swi enelanga ku va khorwisa leswaku xi tumbuluxe swilo hinkwaswo. Swi nga va kahle ku tirhisa swikombiso leswi nga eka ntumbuluko ku kombisa leswaku swilo swi lo tumbuluxiwa.

  2. Ndlela leyi u swi vulaka ha yona. Titshembe kambe u nga vi loyi u delelaka kumbe ku tiendla onge u tiva ngopfu. Vanhu va nga ha amukela vonelo ra wena ntsena loko u xixima leswi va swi pfumelaka ni mfanelo ya vona yo tiendlela swiboho.

    “Ndzi tshemba leswaku i swa nkoka ku va loyi u nga deleliki kumbe u va mativa hinkwaswo. Swi nga va kahle ku vulavula hi ndlela ya xichavo.”—Elaine.

 Switirhisiwa leswi nga ku pfunaka ku hlamusela leswi u swi pfumelaka

Ku lunghekela ku seketela leswi u swi pfumelaka swi fana ni ku lunghekela ku cinca ka maxelo

Nhwanyana la vuriwaka Alicia u ri: “Loko hi nga lunghekanga, hi ta tshama hi miyerile leswaku hi nga khomisiwi tingana.” Hilaha Alicia a vulaka hakona, ku lunghiselela swi endla leswaku u humelela. Jenna u ri: “Ndzi titwa ndzi ntshunxekile ku vulavula hi ku tumbuluxiwa ka swilo loko ndzi ri ni xikombiso lexi olovaka lexi ndzi nga xi tirhisaka ku seketela leswi ndzi swi pfumelaka.”

U nga swi kuma kwihi swikombiso swo tano? Vantshwa vo tala va humelerile hi ku tirhisa minkandziyiso leyi landzelaka:

  • Xana Swilo Leswi Hanyaka Swi Lo Tumbuluxiwa?

  • The Origin of Life—Five Questions Worth Asking

  • The Wonders of Creation Reveal God’s Glory (vhidiyo)

  • Nxaxamelo wa “Xana Yi Lo Endliwa?” eka magazini wa Xalamuka! (Thayipa rungula [ku katsa ni mintshaho] “xana yi lo endliwa” ebokisini ro secha eka Watchtower LAYIBURARI YA LE KA WEB SITE.)

  • Tirhisa Watchtower LAYIBURARI YA LE KA WEB SITE ku endla ndzavisiso lowu engetelekeke.

U nga tlhela u pfuneka loko u endla ndzavisiso eka swihloko leswi swa ha ku hundzaka swa nxaxamelo wa “Xana Swilo Swi Lo Tumbuluxiwa Kumbe Swi Lo Tiendlekela?”

  1. Xiyenge 1: Ha Yini Ndzi Pfumela Eka Xikwembu?

  2. Xiyenge 2: Ha Yini U Fanele U Tiva Hi Ku Tiendlekela Ka Swilo?

  3. Xiyenge 3: Ha Yini U Fanele U Tshemba Leswaku Swilo Swi Lo Tumbuluxiwa?

Xitsundzuxo: Hlawula swikombiso leswi wena swi ku khorwisaka. Swi ta ku olovela leswaku u swi tsundzuka naswona u ta swi kota ku swi hlamusela u nga chavi. Ringeta ku tirhisa tindlela leti nga ta ku pfuna ku hlamusela leswi u swi pfumelaka.

DYONDZA SWO TALA

“Ndza Khorwiseka Leswaku Swilo Leswi Hanyaka Swi Vumbiwe Hi Xikwembu”

Hlaya leswaku ha yini n’wasayense un’wana a cince langutelo rakwe hi Bibele, hundzuluko ni ndlela leyi swivumbiwa leswi hanyaka swi veke kona ha yona.