Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Ndzi Nga Lwisana Njhani Ni Ndzingo?

Ndzi Nga Lwisana Njhani Ni Ndzingo?

Leswi u nga swi endlaka

Xo sungula, tsundzuka leswaku u fanele u byarha vutihlamuleri bya swiendlo swa wena ku nga khathariseki leswi vanghana va wena va swi endlaka.

Xa vumbirhi, kumisisa leswaku hi wihi ndzingo lowu nga ni matimba swinene eka wena.

Kutani, tivutise, ‘Xana ndzingo lowu wu tala ku ndzi hlasela rini?’ (Xana wu ndzi hlasela loko ndzi ri exikolweni, entirhweni kumbe kun’wana?) Ku tiva nkarhi lowu ndzingo wu talaka ku ku hlasela ha wona swi nga ha ku pfuna leswaku u wu papalata hi ku helela.

Sweswi, se u lunghekele ku teka goza. Nchumu wo sungula lowu u faneleke u wu endla i ku kuma ndlela leyi u nga wu balekelaka ha yona. (Hi xikombiso: Loko ku ri leswaku loko xikolo xi huma u tala ku hlangana ni swichudeni-kuloni leswi ku kucetelaka ku dzaha na swona, kumbexana u nga cinca ndlela yoleyo u famba hi yin’wana leswaku u nga ha hlangani na swona.) Ntiyiso wa mhaka: Vanghana lava ku kucetelaka ku endla swilo swo biha, a hi vanghana va xiviri.

Loko u pfumela ku hluriwa hi ndzingo, u hundzuka hlonga ra ku navela ka wena

I ntiyiso leswaku a wu nge swi koti ku papalata mindzingo hinkwayo. Siku rin’wana u nga ha langutana ni ndzingo wo karhi lowu nga ni matimba swinene u nga swi langutelanga. I yini lexi u nga xi endlaka?

Nchumu wa nkoka i ku tshama u lunghekile.

Xiya: Yesu a a swi tiva leswaku u yime kwihi malunghana ni mahanyelo. A a tiyimisele ku yingisa Tata wa yena minkarhi hinkwayo. (Yohane 8:28, 29) Kutani nchumu wa nkoka lowu u nga wu endlaka i ku tiva ka ha ri emahlweni leswaku u yime kwihi.

Xitoloveto. Ehleketa hi swivangelo swimbirhi leswi ku endlaka u lava ku papalata ndzingo lowu u talaka ku langutana na wona ni magoza mambirhi lawa u nga ma tekaka leswaku ma ku pfuna ku wu papalata.

Ha yini u pfumela ku lawuriwa hi van’wana? Endla swilo leswi u tivaka leswaku swi lulamile. (Vakolosa 3:5) Khongela eka Xikwembu leswaku xi ku pfuna u hambeta u endla tano.—Matewu 6:13.

 

DYONDZA SWO TALA

Vantshwa Va Vutisa, Vholumo 2

Mhaka ya xikolo, vuhungasi, tintangha, vatswari, ku kula, ndlela leyi u titwaka ha yona, vafana ni vanhwanyana swi katsiwile.

Ndlela Yo Lwisana Ni Ntshikilelo Wa Tintangha

Ntshikilelo wa tintangha wu nga endla leswaku vanhu lava lulameke va endla swilo swo biha. I yini leswi u faneleke u swi tiva malunghana na wona naswona u nga langutana njhani na wona?

Xana U Tshikileriwa Ku Endla Timhaka Ta Masangu?

Xana swa antswa ku namba ndzi endla timhaka ta masangu? Xana u ta tisola?