Nghena endzeni

Yana enxaxamelweni wa vumbirhi

Timbhoni Ta Yehovha

Xitsonga

Ndzi Nga Swi Kota Njhani Ku Nga Tshameli Ku Ehleketa Hi Timhaka Ta Masangu?

Ndzi Nga Swi Kota Njhani Ku Nga Tshameli Ku Ehleketa Hi Timhaka Ta Masangu?

Leswi u nga swi endlaka

Hlawula vanghana va wena hi vutlhari. Loko vanghana va wena kumbe swichudeni-kuloni swi sungula ku vulavula hi timhaka ta masangu, u nga hlanganyeli ebulwini rero hikuva ri ta endla leswaku swi ku tikela ngopfu ku lawula miehleketo ya wena. Hakanyingi u nga kuma ndlela yo suka exikarhi ka swona handle ko tiendla n’wavunene hikuva sweswo swi nga ku vangela ku hlekuriwa.

Xana u nga pfumelela ti-virus ti hlasela khompyuta ya wena? Kutani ha yini u chela swilo leswi thyakeke emianakanyweni ya wena?

Papalata vuhungasi lebyi thyakeke. Namuntlha vuhungasi byo tala byi endleriwe ku pfuxa ku navela ko biha ka timhaka ta masangu. Yi ri yini ndzayo ya Bibele? Yi ri: “A hi tibasiseni eka swilo hinkwaswo leswi nyamisaka nyama ni moya, hi hetisekisa vukwetsimi hi ku chava Xikwembu.” (2 Vakorinto 7:1) Kutani papalata vuhungasi lebyi pfuxaka ku navela ka timhaka ta masangu.

Tsundzuka: Ku va ni ku navela ka timhaka ta masangu a ku bihanga hi koxe. Phela Xikwembu xi vumbe wanuna ni wansati leswaku va navelana swinene naswona ku navela ka timhaka ta masangu ku fanele ku enerisiwa hi vanhu lava tekaneke ntsena. Kutani loko u titwa u navela timhaka ta masangu swinene, u nga ehleketi leswaku u hombolokile.

Mhaka ya nkoka: U nga tihlawulela leswi u lavaka leswaku mianakanyo ya wena yi dzika eka swona. U nga va ni mianakanyo ni swiendlo leswi baseke loko u swi lava.

 

DYONDZA SWO TALA

VANTSHWA

Swivutiso Leswi Vantshwa Va Swi Vutisaka, Vholumo 1

Mhaka ya byala ni swidzidziharisi, ku tikhoma lokunene hi tlhelo ra rimbewu ni ku rhandzana, swi katsiwile.